सरकारले मिटरब्याज पीडितसँग वार्ता अघि बढाउन सचिव नेतृत्वको टोली बनायो
रोनाल्डोको कीर्तिमानी खेलमा पोर्चुगल विजयी, ६ वटा युरो कपमा सहभागी हुने पहिलो खेलाडी
वि.सं.२०८१ असार ५ बुधवार ०७:०६
598
shares
shares
काठमाडौँ । युरो कप फुटबल प्रतियोगिताको १७औँ संस्करणमा गए राति पूर्वविजेता पोर्चुगलले चेक गणतन्त्रविरुद्ध विजय हासिल गरेको छ । ३९ वर्षीय फरवार्ड क्रिस्टियानो रोनाल्डोको कीर्तिमानी खेल समेत रहेको समूह डी को खेलमा पोर्चुगलले २–१ गोलको पुनरागमन जित हासिल गरेको हो।
पोर्चुगलको जितमा फ्रान्सिस्को कन्सेईकाओले एक गोल गरे भने अर्को गोल पोर्चुगलले उपहार पाएको थियो। यता, चेक रिपब्लिकका लागि लुकास प्रोभोडले एक गोल गरे पनि हारलाई टार्न सकेन । ६९औँ मिनेटमा रोबिन ह्रानाकले आत्मघाती गोल गरेपछि पोर्चुगल खेलमा १–१ को बराबरी अवस्थामा फर्कियो। त्यसपछि अतिरिक्त समयको दोस्रो मिनेटमा फ्रान्सिस्कोले गोल गरेपछि पोर्चुगललाई २–१ को पुनरागमन जित थिए।
खेलमा कप्तान क्रिस्टियानो रोनाल्डोले कुनै पनि गोल गर्न सकेन पनि नयाँ कीर्तिमानी भने राखेका छन्। रोनाल्डो इतिहासमा ६ वटा युरो कपमा सहभागी हुने पहिलो खेलाडी बन्दै नयाँ कीर्तिमान कायम गरेका हुन्। २००४ देखि युरोकपमा सहभागी रोनाल्डो त्यसपछि लगातार छौठौँपटक सहभागिता जनाएका छन्। यो जितसँगै जारी युरोकपमा पोर्चुगलले तीन अंक हासिल गर्दै समूह डी को दोस्रो स्थानमा छ। समान खेलबाट समान अंक रहेको टर्की शीर्ष स्थानमा रहँदा पराजित पराजित चेक रिपब्लिक तेस्रो तथा जर्जिया पुछारमा रहेको छ।
