भारतका शिक्षामन्त्री धर्मेन्द्र प्रधानले राजीनामा दिए
म माधव नेपालको पार्टीमा छुईन : सांसद प्रेम आले
वि.सं.२०८१ असार २१ शुक्रवार १७:३३
572
shares
shares
काठमाडौं । नेकपा (एकीकृत समाजवादी)का सांसद प्रेम आलेले आफू पार्टीमा नरहको बताउनुभएको छ ।
महाधिवेशनमासमेत उपस्थित नरहनुभएका आलेले आफू पार्टीमा सक्रिय नरहेको जानकरी दिनुभएको हो । असार १६ गतेदेखि सुरु भएको महाधिवेशन बहिष्कार गरेको बताउँदै आलेले अब त्यो पार्टीमा आफू नरहने जनाउनुभयो ।
उहाँले भन्नुभयो- ‘मैले संसदीय दलको बैठकमा अध्यक्ष माधवकुमार नेपालकै अगाडि म तपाईँको पार्टीमा रहदिँन भनेको थिएँ । त्यो पार्टीमा रहन्न, निर्वाचित जनप्रतिनिधि भएकाले जनताको काम गरेर बस्छु । अन्य पार्टीमा जाने बारे अहिले सोचेको छैन् ।’ आलेले एकीकृत समाजवादीमा वडाको निर्वाचन पनि जित्न नसक्ने नेताहरु पदाधिकारी रहेको बताउनुभयो । उहाँले भन्नुभयो, ‘म त तीन पटक लगातार निर्वाचित सांसद हुँ ।’
नेकपा (एकीकृत समाजवादी)ले आज सार्वजनिक गरेको ९३ जना केन्द्रीय समितिको सूचीमा आलेको नाम समावेश गरिएको छैन् ।
