Abhiyan Weekly

भदौदेखि आन्दोलन गर्ने शिक्षक महासंघले गर्यो निर्णय नेपाल मेडिकल काउन्सिलको विशेष परिक्षाको नतिजा सार्वजनिक : ९३•४८ प्रतिशत उत्तीर्ण प्रतिनिधिसभाको बैठक सुरू भएलगतै विपक्षीदलहरूले उभिएर गरे विरोध प्रधानमन्त्री बालेनले चौमासिक प्रगति विवरण सार्वजनिक गरे राष्ट्रिय सूचना आयोगका प्रमुख आयुत्त र आयुत्तका लागि आवेदन खुल्ला आज शुक्रवार पनि ९०० ले बढ्यो सुनको मुल्य, कतिमा हुदैँछ कारोवार ? २५० रूपैयाँको सामान खरिद गरेका उपभोत्ताले जिते १० लाखको बम्पर उपहार अब अमेरिकामा जन्मिएकै कारण नागरिकता नपाईने , बर्थ टुरिज्ममा पनि राष्ट्र्पति ट्रम्पले लगाए प्रतिबन्ध बर्षा र पहिरोका कारण अवरूद्ध छन यी राजमार्ग देशभर मनसुनी वायुको प्रभाव : कस्तो रहला आज शुक्रबारको मौसम ? आज प्रतिनिधिसभाको बैठक बस्दै, ४ वटा विधेयक पेश हुने यस्तो छ आज शुक्रवारकालागि तोकिएको विदेशी मुद्राको विनिमय दर

हवाई भाडामा कालो बजारी गरेको भन्दै मन्त्रीलाई ज्ञापनपत्र

Abhiyan Weekly

वि.सं.२०८१ कात्तिक २२ बिहीवार ०८:०२

715
shares

काठमाडौं । हवाई भाडामा कालोबजारी भएको भन्दै नेपाल वैदेशिक रोजगार व्यवसायी संघले विरोध जनाएको छ । नेपालबाट वैदेशिक रोजगारमा जाने श्रमिकहरुले अत्यन्त महँगो दरमा विदेश जाने हवाई टिकट खरिद गर्नु परेको भन्दै उनीहरुले सरकारको ध्यानाकर्षण गराएका छन् ।

बुधबार श्रम रोजगार तथा सामाजिक सुरक्षा मन्त्री शरतसिंह भण्डारीलाई ज्ञापनपत्र बुझाउँदै संघले हवाई कम्पनीहरुले दिनदिनै भाडा वृद्धि गरिरहेकोले सरकारले तुरुन्तै त्यसविरुद्ध कडा कदम चाल्नुपर्ने माग गरेको छ । नेपालबाट मलेसिया र मध्यपूर्वका गन्तव्य मुलुकमा दैनिक रुपमा औसत १ हजार ५०० कामदार वैदेशिक रोजगारमा गइरहेका छन् । नियमित रुपमा एयरलाइन्सहरुको व्यापार वृद्धि भएको पनि केही सीमित एयरलाइन्सहरुको मिलेमतोमा कृत्रिम अभाव खडा गरी कालोबजारी भइरहेको संघको आरोप छ ।

अस्वभाविक रुपमा मूल्य वृद्धि गरेर टिकटमा सिन्डिकेट खडा गरिएको ज्ञापनपत्रमा उल्लेख छ । व्यवसायीहरुका अनुसार पर्यटक आउने मुख्य समयमा अन्तर्राष्ट्रिय विमानस्थललाई स्तरउन्नतिको बाहानामा दैनिक १० घण्टा बन्द गरिएको कारण देखाउँदै हवाइ कम्पनीहरुले भाडा बढाएका छन् । ३० देखि ३५ हजार रुपैयाँमा नियमित पाउने टिकटलाई अहिले ७० देखि ८० हजार रुपैयाँ पुर्‍याएका छन् । यसरी टिकटदर दोब्बर मूल्यको टिकटमा कामदार विदेश जान बाध्य भएकोले कालोबजारीलाई रोकेर सस्तो र सुलभ एवम्‌ नियमित दरकै मूल्यमा टिकट पाउने वातावरण बनाउन संघले माग गरेको छ ।

सस्तो दरमा कामदार जान पाउने व्यवस्था नगरिए श्रमिकहरु वैदेशिक रोजगारीमा जान नपाउने भएकाले वैदेशिक रोजगारीको अवसर समेत गुम्ने संघको दाबी छ । यसले विदेशी मुद्राको सञ्चितिका साथै राष्ट्रिय अर्थतन्त्रमा समेत नकारात्मक असर पर्ने ज्ञापनपत्रमा उल्लेख छ ।नेपाल जस्तै मलेसिया र खाडीका राष्ट्रहरुमा कामदार पठाउने भारत, बंगलादेश, श्रीलंका, पाकिस्तान इन्डोनेसिया लगायत सार्क राष्ट्र देशहरुबाट कामदार पठाउँदा यति धेरै हवाइ भाडा नभएको जानकारी समेत ज्ञापनपत्रमा दिइएको छ । भारतको दिल्लीबाट दुबईको रु २६ हजार ६२३ देखि ३० हजार ४९४ रुपैयाँसम्म र बगंलादेशबाट दुबईको २३ हजार ३२९ देखि २६ हजार २१४ रुपैयाँ बराबर भएको समेत जानकारी गराउदै नेपालमा मात्र हवाई मफियाले कृत्रिम अभाव खडा गरेको आरोप व्यवसायीहरुको छ ।

‘तसर्थ वैदेशिक रोजगार ऐन २०६४ को दफा २२ अनुसार स्वदेशी विमानस्थलबाट कामदार पठाउन हवाइ जहाजको टिकट अत्याधिक महङगो भएका कारणले श्रम स्वीकृति लिई भिसा प्राप्त भई सकेका कामदारको हकमा ना अब्जेक्सट लेटर लिएर छिमेकी राष्ट्र भारतको विमानस्थल प्रयोग गरी कामदार पठाउने व्यवस्था मिलाउन माननीय मन्त्रीज्यू समक्ष हार्दिक अनुरोध गर्दछौं,’ ज्ञापनपत्रमा भनिएको छ ।

प्रकाशित मिति / समय : वि.सं.२०८१ कात्तिक २२ बिहीवार ०८:०२