सबैको सहमतिमा मात्र संविधान संशोधन हुनुपर्दछ

प्रधानमन्त्री बालेन साह नेतृत्वको सरकारले गत चैत्र १६ गते आफ्नै सल्लाकार असिन साहको...

Abhiyan Weekly

सुनको भाउ तोलामा ६ सय रुपैयाँ बढ्यो आज अन्तर्राष्ट्रि योग दिवस मनाइँदै रास्वपाको महाधिवेशन चितवनमा आजदेखी, रवि र बालेनले उद्धघाटन गर्ने नेदरल्याण्डसले स्वीडेनलाई ५-१ ले हरायो यस्तो छ आज आइतवारका लागि तोकिएको विदेशी मुद्राको विनिमय दर मनसुनी वायुको प्रभाव : आज आइतवार पहाडी तथा तराईका भू – भागका केहि स्थानमा भारी... बालकुमारीमा प्रहरीले गोली प्रहार गरेर लागु औषध कारोवारीलाई पक्राउ गर्यो राप्रपाको महाधिवेशन आगामी मंसिरको अन्तिम सातामा गर्ने निर्णय रातो मच्छिन्द्रनाथको जात्रामा प्रधानमन्त्री शाह पनि पुगे इजरायल र हिजबुल्लाबीच युद्धबिराम गर्ने भयो सहमति आज मच्छिन्द्रनाथको भोटो देखाइदैँ यस्तो छ आज शनिवारका लागि तोकिएको विदेशी मुद्राको विनिमय दर

कोप–२९ मा राष्ट्रपति पौडेलले आज नेपालका तर्फबाट एउटा उच्चस्तरीय सत्र सञ्चालन गर्दै

Abhiyan Weekly

वि.सं.२०८१ कात्तिक २८ बुधवार ०८:१०

546
shares

अजरबैजान । जलवायु परिवर्तनसम्बन्धी संयुक्त राष्ट्रसङ्घीय सम्मेलन (कोप–२९)मा सहभागी हुने सिलसिलामा बाकुमा रहेका राष्ट्रपति रामचन्द्र पौडेलले आज नेपालका तर्फबाट एउटा उच्चस्तरीय सत्र सञ्चालन गर्दै छन्।

‘पर्वतीय क्षेत्रमा जलवायुजन्य नोक्सानीको सम्बोधन’ विषयमा हुने सत्रमा नेपालले आफ्ना ‘एजेण्डा’माथि विश्व समुदायको ध्यानाकर्षण गराउनेछ । कोप शिखर सम्मेलनमा मङ्गलबार नेपालका तर्फबाट राष्ट्रिय मन्तव्य व्यक्त गर्दै राष्ट्रपति पौडेलले हिमालको सुरक्षा भनेकै पृथ्वीको सुरक्षा हो भन्ने वास्तविकता मनन गर्न विश्व समुदायलाई आह्वान गरेका थिए । राष्ट्रपति पौडेलले भने, “हिमालको सुरक्षा भनेकै पृथ्वीको सुरक्षा हो भन्ने कुरा सबैले मनन गरौँ, पर्वतीय मुलुकका सेता हिमाल काला पहाडमा परिणत हुने क्रमले ती मुलुकमा मात्र होइन तल्लो तटीय मुलुकहरूलाई सङ्कटमा पुर्याउँछ भन्ने वास्तविकता विश्वले बिर्सन हुँदैन ।”

माल्दिभ्सका राष्ट्रपति डा मोहम्मद मैज्जुसँग मङ्गलबार भएको भेटवार्तामा राष्ट्रपति पौडेलले जलवायु परिवर्तनको मारमा नेपाल र माल्दिभ्सजस्ता देश परेकाले जलवायु वार्ताहरूमा सहकार्य गर्नुपर्ने बताएका थिए । यसपटक नेपाल ‘विश्व नेताहरू जलवायु कार्य शिखर सम्मेलन’मा राष्ट्रपति पौडेलको नेतृत्वमा सहभागी भएको छ । अजरबैजानका राष्ट्रपति इलहम अलियभको निमन्त्रणामा सम्मेलनमा सहभागी हुन राष्ट्रपति पौडेल सोमबार यहाँ आइपुगेका हुन् । सम्मेलनमा ४० देशका राष्ट्रपति वा उपराष्ट्रपति तथा ३५ देशका प्रधानमन्त्रीसहित विश्वका अधिकांश मुलुकका जलवायु परिवर्तनका क्षेत्रमा कार्यरत प्रभावशाली नेताहरू छलफल र विश्वव्यापी सहकार्यका लागि सहभागी छन् ।

प्रकाशित मिति / समय : वि.सं.२०८१ कात्तिक २८ बुधवार ०८:१०