मेलम्चीको मुहानमा बाढी पसेपछि उपत्यकामा आपूर्ति भइरहेको पानी आजदेखि अस्थायी रूपमा बन्द
पौडेललाई गभर्नर बनाउन सरकार सँग काँग्रेसको प्रस्ताव
वि.सं.२०८२ वैशाख २८ आइतवार ११:५३
611
shares
shares
काठमाडौं । नेपाली कांग्रेसले अर्थविद् डा. विश्व पौडेललाई नेपाल राष्ट्र बैंकको गभर्नरमा प्रस्ताव गरेको छ ।
शनिबार बालुवाटारमा प्रधानमन्त्री केपी शर्मा ओलीसँगको भेटमा कांग्रेस सभापति शेरबहादुर देउवाले पौडेलको नाम गभर्नरमा अगाडि सारेको स्रोतको भनाइ छ । सभापति देउवाले डा गुणाकर भट्टलाई गभर्नर बनाउन नसकिने भए पौडेललाई बनाउन प्रस्ताव गरेका हुन् ।डा पौडेललाई गभर्नर प्रस्ताव गरिएको नेपाली कांग्रेसले पनि पुष्टि गरेको छ । कांग्रेस मुख्यसचिव कृष्णप्रसाद पौडेलले भट्टलाई गभर्नर बनाउन नसकिएपछि सभापति देउवाले नयाँ नाम दिनुपरेको बताएका छन् ।
डा पौडेल अहिले गभर्नर सिफारिस समितिका सदस्य छन् । अर्थमन्त्री विष्णु पौडेल संयोजकत्व अहिले अपूर्ण छ । सो समितिको सदस्यबाट पूर्वगभर्नर विजयनाथ भट्टराईले एक सातअघि नै समितिको बैठक बस्न नसकेको भन्दै राजीनामा दिएका थिए । सो समितिले पूर्णता पाएपछि मात्र उनको नाममा छलफल हुनेछ ।
