सङ्घीय संसद् प्रतिनिधिसभाको सचिव पदमा प्रकाश अधिकारी नियुक्त
गौरीबहादुर कार्की नेतृत्वको आयोगको निष्पक्षता माथि नेपाल बारले उठायो प्रश्न
वि.सं.२०८२ असोज २१ मंगलवार १८:३७
871
shares
shares
नेपाल बार एसोसियसनले जेनजी आन्दोलनका क्रममा भएका घटना जाँचबुझका लागि गठित उच्चस्तरीय न्यायिक जाँचबुझ आयोगको निष्पक्षता माथि प्रश्न उठाएको छ।
मंगलबार बारका महासचिव वरिष्ठ अधिवक्ता केदारप्रसाद कोइरालाले विज्ञप्ति जारी गरी सरकारले गठन गरेको आयोगका अध्यक्ष गौरीबहादुर कार्कीको पूर्वधारणाले निष्पक्षतामा आँच आउन सक्ने औँल्याएका हुन्।
‘गत भदौ २३ गते भएको जेनजीको आन्दोलन र भदौ २४ गते भएको तोडफोड आगजनी, लुटपाटसमेतको घटनाउपर छानबिन गर्न गठित आयोगका अध्यक्षको पूर्वधारणाले आयोगको निष्पक्षतामा आँच आउन नसक्ने कुराको विश्वसनीय प्रत्याभूति सार्वजनिक भएको छैन। यस्तो गम्भीर घटनालाई छानबिन गर्न नेपाल सरकारले औपचारिकता मात्र निर्वाह गर्न खोजी विषयवस्तुलाई हल्का रूपमा लिएको आमधारणा बनिरहेको छ। यसबाट आयोगको प्रतिवेदनले समेत विश्वसनीयता गुमाउनेछ’ बारको विज्ञप्तिमा उल्लेख छ।
