सरकारी लगानी भएका सबै बैंकका अध्यक्षले पदबाट राजीनामा दिए
अमेरिका र जापानबिच दुर्लभ धातुको आपूर्ति र उत्पादन बढाउन सम्झौता
वि.सं.२०८२ कात्तिक ११ मंगलवार १२:०७
702
shares
shares
टोकियो । अमेरिकी राष्ट्रपति डोनाल्ड ट्रम्प र जापानी प्रधानमन्त्री सानेई ताकाइचीले दुई नयाँ सम्झौतामा हस्ताक्षर गरेका छन् । ट्रम्पको अमेरिका भ्रमणको क्रममा यी सम्झौतामा हस्ताक्षर भएका हुन् ।
एउटा सम्झौताले अमेरिका–जापान सम्बन्धमा स्वर्ण युगको सुरुवात मानिएको छ । दुई नेताहरूले केही समय अघि मात्रै यी सम्झौताहरूमा हस्ताक्षर गरेका थिए । व्यापार सम्झौता लामो समयदेखिका दुई सहयोगीहरू बिचको साझेदारीलाई अझ बलियो बनाउनमा केन्द्रित छ ।दोस्रो सम्झौता महत्त्वपूर्ण खनिज सम्झौता हो । यसले दुर्लभ धातुको आपूर्ति सुनिश्चित गर्ने रूपरेखा प्रदान गर्नेछ । सम्झौता अमेरिका र जापानबिच दुर्लभ धातुको आपूर्ति र उत्पादन बढाउनमा केन्द्रित छ । पछिल्लो समय अमेरिकाले दुर्लभ धातुमा चीनमाथिको निर्भरता कम गर्न खोजिरहेको छ । हालैका दिनमा ट्रम्पले मलेसिया, थाइल्यान्ड र अस्ट्रेलियासँग पनि दुर्लभ धातुसम्बन्धी सम्झौता गरेका थिए ।
विद्युतीय उपकरण, विद्युतीय कार र सैन्य उपकरण लगायतका सामान बनाउन चाहिने यी धातु जापानसँग पर्याप्त मात्रामा छ । तर अधिकांश धातु समुद्र मुनि छन् । जसले गर्दा यसको उत्खनन कठिन छ । कागजातहरूमा हस्ताक्षर गरेपछि, राष्ट्रपति ट्रम्पले जापानलाई अमेरिकाको बलियो सहयोगीको रूपमा प्रशंसा गरेका थिए । यस क्रममा उनले जापानकै पहिलो महिला प्रधानमन्त्री सानेई ताकाइचीको पनि प्रशंसा गरे ।
