Abhiyan Weekly

नेपाल मेडिकल काउन्सिलको अध्यक्षमा वरिष्ठ नाक, कान तथा घाँटीरोग विशेषज्ञ डा. पौडेल नियुक्त आजपनि बढयो अमेरिकी डलरको मूल्य : यस्तो छ आज बुधवारकालागि तोकिएको विदेशी मुद्राको विनिमय दर रेडक्रसका पूर्व अध्यक्ष थापा सहितका पदाधिकारी पक्राउ बाढी पहिरोसहितका कारण आज १० ठाउँमा पूर्णरूपमा अवरूद्ध छ, सडक ४ ठाउँमा एकतर्फी सञ्चालन होर्मुज अमेरिकाको भएको दावी गर्दै अमेरिकी राष्ट्रपति ट्रम्पले जारी गरे नक्सा मनसुनी वायुको प्रभाव कायमै : आज बुधवार यी ५ प्रदेशमा भारी बर्षाको सम्भावना आज दुबै सदनको बैठक बस्दै, यस्ता छन कार्यसूची पत्रकार किशोर श्रेष्ठ आफू पुन: पक्राउ पर्नसक्ने भन्दै निषेधाज्ञाको निवेदन लिएर अदालत पुगे बागमती प्रदेशको मुख्यमन्त्री किरण थापालाई बनाउने सहमती, संसदीय दलको नेता भने जेएन थपलिया नै रहने पत्रकार किशोर श्रेष्ठलाई पक्राउ गर्न अदालतले प्रहरीलाई दिएन अनुमती प्रधानमन्त्री बालेन र भारतीय सेना प्रमुख सेठबीच भेटवार्ता बागमती प्रदेशमा एमाले संसदीय दलको नेताको बिवाद, समाधानका लागि दिइयो दुई विक्ल्प

नेपाल मेडिकल काउन्सिलको अध्यक्षमा वरिष्ठ नाक, कान तथा घाँटीरोग विशेषज्ञ डा. पौडेल नियुक्त

Abhiyan Weekly

वि.सं.२०८३ भदौ ३ बुधवार ११:३३

143
shares

साउन । नेपाल मेडिकल काउन्सिलको अध्यक्षमा वरिष्ठ नाक, कान तथा घाँटीरोग विशेषज्ञ डा. ढुन्डिराज पौडेल नियुक्त भएका छन्। स्वास्थ्य तथा खाद्य स्वच्छता मन्त्री निशा मेहताले बुधबार डा. पौडेललाई काउन्सिलको अध्यक्षमा नियुक्त गरेकी हुन्।

डा. पौडेल यसअघि भरतपुर अस्पताल विकास समितिका अध्यक्ष थिए । अध्यक्षका रूपमा उनले भरतपुर अस्पताललाई शिक्षण अस्पताल तथा चिकित्सा शिक्षा प्रदान गर्ने संस्थाका रूपमा विकास गर्ने योजना अघि सारेका थिए।उनले भरतपुर अस्पताललाई अन्य संस्थामा निर्भर नरहने गरी आफ्नै कानुनी आधारमा राष्ट्रिय चिकित्सा विज्ञान संस्थानको स्वरूपमा विकास गर्नुपर्ने धारणा सार्वजनिक गर्दै आएका थिए।

स्वास्थ्य सेवा सुधार, सरकारी अस्पतालको व्यवस्थापन तथा चिकित्सा शिक्षाका विषयमा समेत डा. पौडेलले सार्वजनिक रूपमा धारणा राख्दै आएका छन् ।सरकारी अस्पतालको क्षमता अभिवृद्धि गर्दै चिकित्सा शिक्षा र स्वास्थ्य सेवालाई थप प्रभावकारी बनाउनुपर्नेमा उनले जोड दिँदै आएका छन्। काउन्सिलको अध्यक्षका रूपमा अब उनले चिकित्सकीय पेशाको नियमन, चिकित्सकको व्यावसायिक आचरण तथा चिकित्सा शिक्षासँग सम्बन्धित महत्वपूर्ण जिम्मेवारी सम्हाल्नेछन्।

उनले त्रिभुवन विश्वविद्यालय, चिकित्सा शास्त्र अध्ययन संस्थानबाट नाक, कान तथा घाँटी शल्यचिकित्सामा एमएस उत्तीर्ण गरेका छन् । त्यसअघि उनले सोही संस्थानबाट एमबीबीएस अध्ययन पूरा गरेका थिए ।डा. पौडेल नेपाल मेडिकल काउन्सिलको नैतिकता तथा परीक्षा समितिका कार्यकारी सदस्य तथा समन्वयकर्ताका रूपमा समेत काम गरिसकेका छन् ।

प्रकाशित मिति / समय : वि.सं.२०८३ भदौ ३ बुधवार ११:३३