विष्णु पौडेललाई गैरकानूनी रूपमा थुनामा राखिएको भन्दै सर्बोच्च अदालतमा बन्दी प्रत्यक्षीकरणको रिट दर्ता
अर्थमन्त्री स्वत दोषी प्रमाणित हुनुहुन्छ : योगेश भट्टराई
वि.सं.२०७९ असार २२ बुधवार १६:२९
637
shares
shares
काठमाडौं ।प्रमुख प्रतिपक्षी नेकपा एमालेले अर्थमन्त्री जनार्दन शर्मालाई बहिस्कार गरेको छ ।बजेट निर्माणका क्रममा करको दर हेरफेरमा अनाधिकृत व्यक्ति संलग्न भएको भन्दै प्रश्न उठेपछि संसदले बुधबार ११ सदस्यीय संसदीय छानबिन विशेष समिति बनाएको छ । लगतै सभामुख अग्निप्रसाद सापकोटाले अर्थमन्त्री शर्मालाई बोल्न समय दिएका थिए । तर एमाले सांसदहरुले उठेर विरोध गरे ।
लगतै सभामुखले एमाले सचिव योगेश भट्टराईलाई बोल्न समय दिए । भट्टराईले शर्मालाई अर्थमन्त्रीको हिसाबमा बोल्ने नैतिक अधिकार नभएको बताए । शर्माले अब अर्थमन्त्रीका रुपमा संसदमा बयान दिन नपाउने भन्दै उनले भने, ‘संसदीय समितिले दोष छ कि छैन भनेर छान्ने होइन । उहाँ स्वत दोषी प्रमाणित हुनुहुन्छ ।’
अब शर्माले राजीनामा दिनुपर्ने, नभए प्रधानमन्त्रीले बर्खास्त गर्नुपर्ने भट्टराईको अडान छ । शर्मालाई अर्थमन्त्रीको पदमा राखेर छानबिन हुननसक्ने भन्दै उनले अघि भने, ‘पदमा बस्ने हो भने पदको दुरुपयोग भएर प्रमाणहरु गायब हुन्छ ।’
