४२ जना उपसचिवहरूको सरुवा
आजपनि संसद भवन अगाडि आत्मदाहको प्रयास, प्रहरीले बचायो
वि.सं.२०७९ चैत २४ शुक्रवार १७:५३
481
shares
shares
काठमाडौं । काठमाडौंको नयाँबानेश्वर स्थित संसद भवन अगाडि आत्मदाहको प्रयास प्रयास भएको छ । संसद भवनको एक नम्बर गेट अगाडि एक जनाले आत्मदाहको प्रयास गरेका छन् । पेट्रोल खनाएर आगो लगाउन खोज्दा उनलाई प्रहरीले जोगाएको हो ।
काठमाडौं प्रहरी प्रमुख दानबहादुर कार्कीले प्रारम्भिक अनुसन्धानका क्रममा पारिवारिक कारणले आत्म दाहको प्रयास गरेको देखिएको बताए। ‘पारिवारिक कारण देखिन्छ। हामी सम्झाएर परिवारको जिम्मा लगाउँदै छौँ एसएसपी कार्कीले भने।
यसअघि केही महिनाअघि संसद भवनअघि एक पुरुषले आत्मदाह गरेका थिए। उपचारका क्रममा उनको मृत्यु भएको थियो। प्रहरीका कारण पछिल्लो घटनामा युवकले ट्रली बसको कार्यालय रहेको क्षेत्रतिर बसेर पेट्रोल खन्याएका थिए।
