भोली शनिबार रातिदेखी मौसमी प्रणाली पूर्ण रूपमा सक्रिय हुने, सतर्कता अपनाउन आग्रह
सरकारको निति तथा कार्यक्रम निबन्ध जस्तो पारित गर्न मिल्दैन, बिरोध योग्य रहेको छ : अध्यक्ष ओली
वि.सं.२०८० जेठ ६ शनिवार १६:५१
585
shares
shares
नेकपा एमालेका अध्यक्ष केपी शर्मा ओलीले सरकारको नीति तथा कार्यक्रममा फाल्तु विषयमात्रै समेटिएको आरोप लगाएका छन् ।एमाले संसदीय दलको बैठकमा सांसदहरूलाई निर्देशन दिँदै ओलीले नीति तथा कार्यक्रम समर्थन र स्वीकार योग्य नभएको भन्दै विरोध गर्न भनेका हुन् ।
‘यसको वर्षको नीति तथा कार्यक्रमले यस वर्ष यहाँ पुग्छौं यति गर्छौं भन्नुपर्ने हो । तर डेमोक्रेसी भनेको के हो भनेर क्याम्पसमा पढाए जस्तो गरी आएको छ । पुराना नीति कार्यक्रम र दस्तावेज बाट पनि तानिएका शब्दावली, वाक्य र प्याराग्राफ छन्’ ओलीले भने, ‘यसकारण कुनै मार्गदर्शन नभएको, स्वीकार योग्य नभएको कार्यक्रम विरोध योग्य छ । यसमा समर्थन गर्न मिल्दैन । फाल्तु नीतिका रुपमा दस्तावेज पेस हुनु दुःखद हो । यसलाई पास गर्न मिल्दैन । यसको विरोध हुनुपर्छ । हाम्रो मुख्य पोजिसन यही हो ।’
