कांग्रेसका नेता अभिषेक गिरी पक्राउ
बालकृष्ण खाँण सहित ३ जनाको आज जिल्ला अदालत काठमाडौंमा बयान लिइने
वि.सं.२०८० जेठ १९ शुक्रवार ०७:२५
728
shares
shares
काठमाडौं । नक्कली भुटानी शरणार्थी प्रकरणका आरोपित तीन जनाको आज वयान लिइदै छ । पूर्वगृहमन्त्री बालकृष्ण खाण, भुटानी शरणार्थी नेता टेकनाथ रिजाल र बिहीबार काठमाडौं जिल्ला अदालतमा हाजिर भएका हरिभक्त महर्जनको बयान आज लिइने भएको हो ।
नक्कली भुटानी शरणार्थी प्रकरणमा पक्राउ परेकामध्ये अब तीन जनाले मात्रै बयान दिन बाँकी रहेको जनाइएको छ । नक्कली शरणार्थी प्रकरणमा प्रतिवादीको बयान यही जेठ १२ गतेदेखि काठमाडौं जिल्ला अदालतमा लिन थालिएको हो । उक्त प्रकरणका आरोपित मध्ये आज सम्म १५ प्रतिवादीले बयान दिइसकेका छन् । उक्त प्रकरणका आरोपित मध्ये १७ पक्राउ परेका छन् भने १३ अझै फरार रहेको जिल्ला प्रहरी परिसर काठमाडौंका प्रमुख दानबहादुर कार्कीले जानकारी दिए ।
