कांग्रेसका नेता अभिषेक गिरी पक्राउ
शौचालयको सेफ्टी ट्याङ्कीमा खसेर हात्तीको निधन
वि.सं.२०८० साउन ३२ बिहीवार ०८:४९
832
shares
shares
कैलाली । कञ्चनपुरमा सामुदायिक वन कार्यालयको शौचालयको सेप्टी ट्याङ्कीमा परेर हात्तीको निधन भएको छ। जिल्लाको शुक्लाफाँटा नगरपालिका वडा नम्बर ७ कालापानीमा गए राति हात्तीको निधन भएको हो । वातावरण मध्यवर्ती सामुदायिक वन कार्यालयले बनाएको शौचालयको सेफ्टिट्यान्कीमा परेर हात्तीको निधन भएको शुक्लाफाँटा राष्ट्रिय निकुञ्ज प्रमुख किशोर मेहेताले जानकारी दिए ।
उनले राति १२ बजे पछिको घटना भएको बताए । ‘पहिलो पनि त्यो क्षेत्रमा हात्तीहरू ओहोरदोहोर गरिरहेका हुन्थे तर, शौचालयको सेप्टी ट्याङ्की भन्दा परैबाट उनीहरू हिँडिरहेका हुन्थे’ उनले भने ‘तर, हिजो राति कसरी त्यहाँ सम्म आयो हामी बुझिरहेका छौँ ।’ सेफ्टिट्यान्कीमा परेर निस्किन नसकेपछि हात्तीको निधन भएको हुन सक्ने उनले बताए । अहिले पोस्टमार्टमको तयारी भइरहेको छ ।
