कांग्रेसका नेता अभिषेक गिरी पक्राउ
रुपन्देहीको तिलोत्तमामा मजदुरहरु बीच झडप हुँदा एक जनाको निधन
वि.सं.२०८० असोज २ मंगलवार १०:२३
572
shares
shares
बुटवल । रुपन्देहीको तिलोत्तमामा मजदुरहरु बीच झडप हुँदा एक जनाको निधन भएको छ । झडपका क्रममा हेटौंडा घर भई रुपन्देहीको मंगलापुरमा बस्दै आएका सुरेश स्याङताङको निधन भएको हो । गम्भीर घाइते भएका स्याङताङको अस्पताल लैजाने क्रममा बाटोमा निधन भएको हो ।
झडपमा परी काठमाडौं महानगरपालिका-१ बस्ने विकास वाइवा, मकवानपुरका राजु तामाङ र मकवानपुरकै हस्तसिंह तामाङ गम्भीर घाइते भएका छन् ।इलाका प्रहरी कार्यालय बुटवलका प्रमुख प्रहरी नायव उपरीक्षक दानबहादुर थापाका अनुसार तिलोत्तमा ९ केवलानीमा मजदूरी काम गर्दै आएका दुई पक्ष बीच सोमबार राति झडप हुँदा स्याङताङ माथि धारिलो हतियार प्रहार भएको थियो ।
मदिरा सेवन गरेका मजदुरहरु धारिलो हतियार सहित झडपमा उत्रिएका थिए । घाइतेहरुको भैरहवा स्थित युनिभर्सल मेडिकल कलेजमा उपचार भइरहेको छ ।झडपमा संलग्न १३ जनालाई प्रहरीले नियन्त्रणमा लिएको छ । मकवानपुरे र नुवाकोटे समूहका नाममा झडप भएको स्थानीयले बताएका छन् । प्रहरीले भने यसबारेमा केही बताएको छैन । प्रहरी नायव उपरीक्षक थापाले घटनाको अनुसन्धान भैरहेको बताएका छन् ।
