नेपालले युएईलाई ३७ रनले हरायो
महासमितिको बैठकमा चुके थापा
वि.सं.२०८० फागुन १८ शुक्रवार १०:३५
416
shares
shares
काठमाडौ नेपाली कांग्रेसको महासमितिको बैठक हालै सम्पन्न भएको छ । बैठकमा २३ सय ७३ प्रतिनिधिले सहभागिता जनाएका भएपनि ६ सय ५१ जनाले निर्वाचनमा गठबन्धन गर्ने कि नगर्ने भन्ने विषयमा आफ्नो भनाई राखेको कांग्रेस प्रचार विभागले जनाएको छ ।
प्रचार विभाग प्रमुख मिन विश्वकर्माले चुनावी गठबन्धन बारे महासमितिको निर्णय के आयो भनेर प्रष्ट पारेको छैन । विश्वकर्माका अनुसार महासमितिको बैठकमा व्यक्त भएका भावनालाई केन्द्रीय समितिमा छलफल गरी परिमार्जन गर्ने र त्यसलाई महासमितिको निर्णय मानिनेछ भनेका हुनाले यो कस्तो जवाफ र निर्णय हो । केन्द्रीय समितिले जसरी निर्णय गरिदिएपनि भयो ? त्यसैले प्रश्न उठेको छ के केन्द्रीय समिति महासमिति भन्दा ठुलो र शक्तिशाली हो त ? परिमार्जनको नाममा महासमितिको निर्णयलाई व्याख्या अपव्याख्या गर्ने अधिकार केन्द्रीय समितिलाई हुन्छ यसको जवाफ पार्टीको नेता तथा कार्यकर्ताहरुलाई कांग्रेस नेतृत्वले दिनुपर्ने कि नपर्ने ?
कांग्रेसको विधान अनुसार केन्द्रीय समिति भन्दा ठुलो महासमिति बैठक र महासमिति भन्दा ठुलो महाधिवेशन हो । तर महासमितिको बैठकमा बहुमतको आडमा विधानको अपव्याख्या गर्दै महासमितिको निर्णय परिमार्जन गरेर केन्द्रीयसमितिले निर्णय सुनाउने छ भन्नु कांग्रेसको विधानको ठाडो उल्लंघन हो । कांग्रेसका महामन्त्री गगन थापाले राखेको प्रस्ताव ठुलो ध्वनीले समर्थन गरेको थियो । उनले कांग्रेसले आफ्नो तागतमा एक्लै निर्वाचन लड्ने र कांग्रेसको भोट रुखमा मात्र हाल्छ भनेकोमा कांग्रेसले विमति राख्ने ठाउँ थिएन । यस्तो प्रस्तावको निर्णय महासमितिको बैठकबाटै पारित गराउन नसक्नु थापाको कमजोरी रह्यो ।
केन्द्रीय समितिबाट निर्णय हुँदा बहुमतका आधारमा हुने भएकाले सभापति शेरबहादुर देउवाको इच्छाअनुसार निर्णय हुने भएकाले गर्दा महामन्त्री थापाको प्रस्ताव पारित हुन सक्ने सम्भावना देखिँदैन । महामन्त्री थापाले आफ्नो अडानलाई कायम राख्न नसकेको हुनाले उनी पक्षीय नेताहरु समेत महामन्त्री थापासँग रुष्ट हुन सक्ने सम्भावना बढेर गएको छ । सभापति देउवाका पक्षमा दुई तिहाई मत रहेकाले देउवाले नचाहेसम्म त्यो निर्णय हुन सक्दैन । त्यसैले थापा चुकेका छन् ।
