नेपालको ट्रेड युनियन अधिकार रक्षाका लागि अन्तराष्टिय जगत गम्भीर रहेको छ : स्टेफन कटन
अनियमितताको आरोपमा बिपी स्वास्थ्य प्रतिष्ठानका उपकुलपतिलाई बर्खास्त गर्न सिफारिस
वि.सं.२०७५ फागुन २० सोमवार १५:५२
455
shares
shares
काठमाडौं । बिपी कोइराला स्वास्थ्य विज्ञान प्रतिष्ठानका उपकुलपति प्रा.डा. राजकुमार रौनियारलाई पदबाट बर्खास्त गर्न सिफारिस गरिएको छ । ४२औँ सिनेटले प्रा.डा. रौनियारलाई पदीय दुरुपयोग गरेर अनियमितता गरेको आरोपमा बर्खास्त गर्न कुलपति तथा प्रधानमन्त्रीसमक्ष सिफारिस गरेको हो ।
यसैबीच बैठकले शिक्षा अध्यक्ष प्रा.डा. गुरु खनाललाई निमित्त उपकुलपतिको जिम्मेवारी दिने निर्णय गरेको छ । ४२औं सिनेटका लागि सहकुलपति स्वास्थ्यमन्त्री उपेन्द्र यादवले बिहीबार बैठक बोलाएका थिए । तर, संस्कृति, पर्यटन तथा नागरिक उड्डयनमन्त्री रवीन्द्र अधिकारीको निधनपछि शुक्रबार बिहान बैठक बसेको थियो ।
उपेन्द्र यादव स्वास्थ्यमन्त्री बनेपछि बसेको ४१औँ सिनेट बैठकले चार सय बेडको एमसिएच, २-२ सय बेडको अंकोलोजी र कार्डियोजी भवनसँगै एनएफआरएस सम्बन्धमा छानबिन समिति गठन गर्ने र प्रतिवेदन प्राप्त भएपछि प्रक्रिया अघि बढाउन स्वास्थ्यमन्त्रीलाई अख्तियारी दिने निर्णय भएको थियो । अंकोलोजी र कार्डियोजी भवन बनाउने पैसा प्रा.डा. रौनियारले रकमान्तर योजना अघि नबढाएको उनीमाथि आरोप छ । एमआरआई मेसिन खरिद गर्न लाग्दा पनि रौनियार घुस खान खोजेको भन्दै उजुरी परेको थियो ।
बिपी प्रतिष्ठानमा भ्रष्टाचार भएको भन्दै सरकारले दुईवटा छानबिन समिति बनाएको थियो । प्रधानमन्त्री तथा मन्त्रिपरिषद् कार्यालयका सचिव केदार अधिकारीको संयोजकत्व र स्वास्थयमन्त्रीको संयोजकत्वमा छानबिन समिति बनेको थियो । छानबिनको आधारमा आएको दुईवटा प्रतिवेदनलाई नै आधार मानेर बर्खास्तको सिफारिस गरिएको रजिस्ट्रार तुलबहादुर श्रेष्ठले जानकारी दिए ।
