विशेष अदालतको पासपोर्ट भ्रष्टाचार अभियोगमा मुछिएका ५ जना आरोपितहरूलाई धरौटीमा छाड्न आदेश
आज भारतमा आठौ पटक संसदमा बजेट अर्थमन्त्री सीतारमणले पेश गर्ने
वि.सं.२०८१ माघ १९ शनिवार ११:४३
819
shares
shares
नयाँ दिल्ली । भारतकी केन्द्रीय अर्थमन्त्री निर्मला सीतारमणले शनिबार लगातार आठौँ बजेट प्रस्तुत गर्दैछिन् ।
उनी बिहानै निवासबाट अर्थ मन्त्रालय पुगेकी थिइन् । आधा घण्टा मन्त्रालयमा बसेपछि राष्ट्रपति भवन पुगेर उनले बजेटको प्रति राष्ट्रपति द्रौपदी मुर्मुलाई हस्तान्तरण गरेकी छन् ।अब बिहान ११ बजे संसद्मा अर्थमन्त्रीको सम्बोधन सुरु हुनेछ । पछिल्ला बजेट जस्तै यो बजेट पनि पेपर लेस हुने बताइएको छ ।
बजेटबारे शुक्रबार संसद् परिसरमा बोल्दै प्रधानमन्त्री नरेन्द्र मोदीले भने, ‘साथीहरू, देशका जनताले मलाई तेस्रो पटक यो जिम्मेवारी दिएका छन् । यो तेस्रो कार्यकालको पहिलो पूर्ण बजेट हो। म विश्वासका साथ भन्न सक्छु कि सन् २०४७ मा स्वतन्त्रताको १०० वर्ष पुग्दा, देशले विकसित भारतको लागि जुन संकल्प लिएको छ, यो बजेट अधिवेशन र यो बजेटले नयाँ विश्वास सृजना गर्नेछ।’
