दीपक भट्टलाई अदालतमा उपस्थित गराउन सर्बोच्च अदालतको आदेश
नेपाल टेलिकमकी प्रबन्ध निर्देशक सहित १८ जना बिरूद्ध विषेश अदालतमा मुद्धा दायर
वि.सं.२०८२ जेठ २५ आइतवार १५:०६
546
shares
shares
अख्तियार दुरुपयोग अनुसन्धान आयोगले नेपाल टेलिकमका प्रबन्ध निर्देशक (एमडी) संगीता पहाडी (अर्याल) र पूर्व प्रबन्ध निर्देशक सुनिल पौडेलविरुद्ध भ्रष्टाचार दायर गरेको छ ।
नेपाल टेलिकमको बिलिङ प्रणालीको मर्मत सम्भारसम्बन्धी ठेक्का लम्ब्याउने क्रममा भ्रष्टाचार भएको दाबी गर्दै आयोगले आइतबार विशेष अदालत काठमाडौंमा मुद्दा दायर गरेको हो ।यस मुद्दामा अर्याल, पौडेल र प्राविधिक प्रमुख प्रतिभा श्रेष्ठसहित १८ जनालाई प्रतिवादी बनाइएको विशेष अदालतका सूचना अधिकारी यज्ञराज रेग्मीले जानकारी दिए ।
उनीहरूविरुद्ध ३३ करोड ४८ लाख १७ हजार ४३० रूपैयाँ बिगो कायम गरिएको छ । राजेन्द्र श्रेष्ठ, धविन्द्रलाल उपाध्याय, देवेन्द्र खतिवडा, बिनिता श्रेष्ठ, अमूल प्रधान, राजीवकुमार केसी, हेमप्रभा रामप्रताप कर्ण, नवल चौधरी, मुक्ति प्रसाद अर्याल, शंकर कुमार श्रेष्ठ, परमात्मा भट्टराई, शैलेस श्रेष्ठलाई पनि प्रतिवादी बनाइएको छ ।
यसैगरी, चिनियाँ कम्पनीका सिनियर डाइरेक्टर लङ योङ, चिनियाँ कम्पनीकै म्यानेजर हुवाङ ओई र एक चिनियाँ कम्पनीलाई प्रतिवादी बनाएर आयोगले मुद्दा दायर गरेको छ ।
