निजिक्षेत्रका संञ्चारमाध्यमलाई सरकारी विज्ञापन नदिने सरकारको निर्णय विरूद्धको रिटमा सक्कल निर्णय झिकाउने आदेश, सोमवार फेरि...
लिपुलेकबारे नेपालको दावीलाई भारतले गर्यो अस्वीकार
वि.सं.२०८३ वैशाख २१ सोमवार ०९:१६
1.21K
shares
shares
काठमाडौं । भारत सरकारले लिपुलेक पास र कैलाश मानसरोवर यात्राबारे नेपालले उठाएका सीमासम्बन्धी दाबीहरूलाई अस्वीकार गरेको छ ।
भारतीय विदेश मन्त्रालयका प्रवक्ता रणधीर जैसवालले शुक्रबार राति विज्ञप्ति जारी गर्दै नेपालको दाबी ‘अनुचित’ र ‘ऐतिहासिक तथ्यमा आधारित नभएको’ जिकिर गरेका छन् ।नेपालले आइतबार साँझ दिएको प्रतिक्रियाको जवाफ दिँदै प्रवक्ता जैसवालले लिपुलेकका बारेमा भारतको अडान स्पष्ट र सुसंगत रहेको दाबी गरे ।
‘लिपुलेक पास सन् १९५४ देखि नै कैलाश मानसरोवर यात्राका लागि प्रयोग हुँदै आएको पुरानो मार्ग हो । दशकौँदेखि यो मार्गबाट यात्रा
भइरहेको छ, यो कुनै नयाँ घटनाक्रम होइन,’ विज्ञप्तिमा भनिएको छ ।
नेपालको चुच्चे नक्सा र लिम्पियाधुरा, लिपुलेक क्षेत्र, कालापानीको भूमि दाबीलाई भारतले ‘एकतर्फी’ र ‘कृत्रिम’ विस्तारको संज्ञा दिएको छ । यी क्षेत्रमा नेपालको दाबी ऐतिहासिक तथ्य र प्रमाणद्वारा पुष्टि हुन नसक्ने र यो मान्य नहुने भारतको अडान छ । यद्यपि, जैसवालले नेपालसँगको द्विपक्षीय सम्बन्ध र सीमा सम्बन्धी विवाद समाधानका लागि संवादको ढोका भने खुला रहेको बताएका छन् ।
