पहिलाको जस्तै मुख्य सचिव र सचिवहरु देउसी खेल्लान् ?

तत्कालिन प्रतिनिधिसभाको २०७४ र २०७९ का दुवै कार्यकालयमा निजामित विधेयकको मस्यौदा तयार...

Abhiyan Weekly

देशभरका अतिक्रमित जग्गामा बनेका संरचना हटाउन ७७ वटै जिल्ला प्रशासन कार्यालयहरूमा सर्कुलर जारी दैलेख–सुर्खेत यात्राः अविस्मरणीय अनुभवको तीन दिन राष्ट्रपति पौडेलद्वारा सहकारीसम्बन्धी अध्यादेश जारी जनकपुरमा गुठी जग्गामा बसेकाहरूले बालेन सरकारका विरूद्ध प्रदर्शन गर्दै मागे राजिनामा त्रिभुवन विश्‍वविद्यालयका उपकुलपति सहित तीन जनाले राजीनामा दिए संसदमा झण्डै दुई तिहाई तर शासन अध्यादेशबाटै सरकारी विज्ञापन निजी सञ्चारमाध्यमलाई नदिने निर्णय तत्काल सच्चाउन बालेन सरकार सुकुम्बासी समस्या सँधैका लागि बन्द गर सरकार सरकारलाई विधेयक बनाउन सहज राजनीतिक राप, रक्तपात, जनताको साथ ? पहिलाको जस्तै मुख्य सचिव र सचिवहरु देउसी खेल्लान् ? सुनको भाउ प्रतितोला २ लाख ९२ हजार ७ सय रुपैयाँ

काठमाडौँ क्षेत्र नं १ मा २६ उम्मेदवारको जमानत जफत, तीन जना मात्र जमानत जोगाउन सफल

Abhiyan Weekly

वि.सं.२०८२ फागुन २२ शुक्रवार १२:२९

949
shares

काठमाडौँ । प्रतिनिधि सभा निर्वाचन २०८२ अन्तर्गत काठमाडौँ क्षेत्र नम्बर १ को अन्तिम मत परिणाम सार्वजनिक हुँदा अधिकांश उम्मेदवारले आफ्नो धरौटी रकम (जमानत) जोगाउन सकेनन्। कुल २९ जना उम्मेदवार चुनावी प्रतिस्पर्धामा उत्रिएको सो क्षेत्रमा विजयी उम्मेदवारसहित जम्मा तीन जनाले मात्र आफ्नो जमानत जोगाउन सफल भएका हुन् ।

बाँकी २६ जना उम्मेदवारको धरौटी जफत भएको छ। निर्वाचन ऐनको परिच्छेद-१० को विविध खण्डअन्तर्गत दफा ६४ मा व्यवस्था भएबमोजिम, पहिलो हुने निर्वाचित हुने निर्वाचन प्रणालीमा खसेको जम्मा सदर मतको दश प्रतिशतभन्दा कम मत पाउने उम्मेदवारको धरौटी जफत हुने कानुनी प्रावधान छ।यस क्षेत्रमा सबै उम्मेदवारले प्राप्त गरेको मत जोड्दा कुल सदर मत २९ हजार ८२ कायम भएको छ। यस आधारमा आफ्नो धरौटी जोगाउन कुनै पनि उम्मेदवारले कुल सदर मतको कम्तीमा १० प्रतिशत अर्थात् २ हजार ९०८ भन्दा बढी मत ल्याउनुपर्ने हुन्थ्यो।

नेपाली कांग्रेसका प्रबल थापा क्षेत्री र राष्ट्रिय प्रजातन्त्र पार्टीका रवीन्द्र मिश्रले पनि जमानत सुरक्षित गरेका छन्। निर्वाचनमा १५ हजार ४५५ मतसहित विजयी भएकी न्यौपानेसहित ६ हजार ३६४ मत ल्याएका कांग्रेसका थापा र ३ हजार ९७२ मत प्राप्त गरेका राप्रपाका मिश्र बाहेक अन्य कुनै पनि उम्मेदवारले १० प्रतिशतको थ्रेसहोल्ड कटाउन सकेनन्। नेकपा (एमाले) जस्तो प्रमुख दलका उम्मेदवार मोहन राज रेग्मीले समेत जम्मा १ हजार ६१८ मत मात्र प्राप्त गरेपछि उनको पनि धरौटी जफत भएको छ। त्यसैगरी उज्यालो नेपाल पार्टीका मंग लाल श्रेष्ठ (४६६ मत), श्रम संस्कृति पार्टीका समिर लामा तामाङ (४२६ मत), नेपाली कम्युनिष्ट पार्टीकी मेनुका भण्डारी (३४५ मत) लगायतका दलीय उम्मेदवारहरूले जमानत जोगाउन सकेनन्।

नेपाल मजदुर किसान पार्टी, जनता समाजवादी पार्टी र नेकपा माओवादी जस्ता दलका उम्मेदवारको मतसमेत सयको आँकडा पार हुन सकेन।दलीय उम्मेदवारका अतिरिक्त यस क्षेत्रबाट प्रतिस्पर्धा गरेका कुशल खत्री, सागर जोशी, सुरेन्द्र प्रसाद ढकाल, असिम मान सिंह बस्न्यातसहितका १४ जना स्वतन्त्र उम्मेदवारहरूको पनि जमानत जफत भएको छ। त्यस्तै, शून्य मत प्राप्त गरेका नेपाल जनसेवा पार्टीका अर्जुन बहादुर शाहीसहित १ र २ मत मात्र प्राप्त गर्ने उम्मेदवारहरूले कानुनबमोजिम निर्वाचन कार्यालयमा दाखिला गरेको धरौटी रकम गुमाएका छन्।

प्रकाशित मिति / समय : वि.सं.२०८२ फागुन २२ शुक्रवार १२:२९