न्यायपालिका माथिको प्रहार लोकतन्त्रका लागि घातक : सांसद बराल
कोशी प्रदेशका नेपाली कांग्रेसका मन्त्रीहरूले दिए राजिनामा
वि.सं.२०८३ साउन २७ बुधवार १७:४२
546
shares
shares
कोशी प्रदेश सरकारबाट नेपाली कांग्रेस बाहिरिएको छ । कांग्रेसका ४ मन्त्री र १ राज्यमन्त्रीले बुधबार राजीनामा दिएका छन् ।
राजीनामा दिने कांग्रेसका मन्त्रीहरूमा भौतिक पूर्वाधार विकास मन्त्री प्रदीपकुमार सुनुवार, पर्यटन, वन तथा वातावरण मन्त्री भीम पराजुली, उद्योग, कृषि तथा सहकारी मन्त्री इस्राइल मन्सुरी, स्वास्थ्यमन्त्री मानबहादुर लिम्बू र भौतिक पूर्वाकार विकास मन्त्रालयकी राज्यमन्त्री शोभा चेम्जोङ रहेका छन् ।
उनीहरूले बुधबार बसेको मन्त्रिपरिषद् बैठकको समापनपछि मुख्यमन्त्री हिक्मतकुमार कार्कीलाई राजीनामा बुझाएका हुन् ।केन्द्रमा एमाले र नेपाली कम्युनिस्ट पार्टीबीच गठबन्धन गर्न साउन दोस्रो हप्तामा तीन बुँदे सहमति भएपछि कांग्रेस प्रदेश सरकारबाट बाहिरिएको हो ।
कांग्रेस र एमालेबीच भएको सहमतिपछि दोस्रो पटक मन्त्रिपरिषद् पुनर्गठन गर्दा २०८२ पुस २२ गते उनीहरू मन्त्री नियुक्त भएका थिए ।
