बोडेको होल्डिङ सेन्टरमा रहेका एक सुकुम्बासीले गरे आत्महत्या
राजनितिलाई सही बाटोमा लान एजेन्डामा केन्द्रीत हुन अध्यक्ष ओलीको आग्रह
वि.सं.२०७९ चैत २३ बिहीवार १३:०६
689
shares
shares
काठमाडौं । नेकपा (एमाले) का अध्यक्ष केपी शर्मा ओलीले नेपाली राजनीतिलाई सही बाटोमा लैजान गालीगलौज नभइ एजेण्डा केन्द्रित बनाउनुपर्ने बताएका छन् । बिहीबार सामाजिक सञ्जाल मार्फत अध्यक्ष ओलीले उपनिर्वाचनलाई स्वस्थ र मर्यादित बनाउँदै एजेण्डामा आधारित बनाउनुपर्ने बताएका हुन् ।
उनले गत मंसिरको आमचुनावका बेला पनि आफूले नेपाली कांग्रेसका सभापति शेरबहादुर देउवालाई एजेन्डामा आधारित बहसका लागि आउन आह्वान गरेको उल्लेख गरेका छन्। तर सभापति देउवा बहसका लागि तयार नहुँदा आफ्नो प्रयास सफल हुन नपाएको अध्यक्ष ओलीको भनाइ छ।
‘वैशाख १० गते उपनिर्वाचमा भाग लिने उम्मेदवारहरुको अन्तिम नामावली प्रकाशित हुँदैछ। धेरैजसो उम्मेद्वारहरूमा नयाँ र युवा अनुहार देखिरहेको छु, यो खुसीको कुरा हो। उपनिर्वाचनलाई स्वस्थ र मर्यादित बनाउन व्यक्तिगत गालीगलौज नगरी एजेण्डामा आधारित बहस गर्न म आग्रह गर्दछु। मैले गत आम निर्वाचनका क्रममा पनि नेपाली कांग्रेसका सभापति शेरबहादुर देउवाजीलाई बहसका निम्ति आउन आह्वान गरेको थिएँ, त्यसबेला मेरो प्रयास सफल भएन। अब हामीले राजनीतिलाई सही बाटोमा लैजान एजेण्डा केन्द्रित बनाउनै पर्छ। चुनावी मैदानमा उत्रिनु भएका सबै उम्मेदवारलाई शुभकामना !,’ अध्यक्ष ओलीले लेखेका छन् ।
