यी हुन सुकुम्बासीका लागि तोकिएका अस्थायी बसोवास गर्ने ठाउँहरू
जेन जी आन्दोलनमा पोखरामा विध्वंश मचाएको आरोपमा रास्वपाका कार्यकर्ता पक्राउ
वि.सं.२०८२ कात्तिक २५ मंगलवार १८:१९
1.9K
shares
shares
काठमाडौं । जेनजी आन्दोलनका क्रममा पोखरामा आगजनी र तोडफोडमा संलग्न रास्वपाका एक कार्यकर्ता पक्राउ परेका छन् । पक्राउ पर्नेमा अभिमन्यु पाण्डे रहेको कास्कीका जिल्ला प्रहरी प्रवक्ता डीएसपी हरि बस्नेतले जानकारी दिए ।
प्रहरीका अनसार उनी माइकिङ गर्दै विभिन्न व्यक्तिको घर तोडफोडका निम्ति अपिल गर्ने तथा पृथ्वीचोकमा रहेको शहीद लखन थापाको शालिक फुटाउने र व्यवसायी बिन्दु थापाको घरमा अगजनी गर्नेसम्मको भूमिकामा सक्रिय थिए ।
पोखरामा सञ्चालित संघर्षशील सहकारीका अध्यक्ष समेत रहेका उनी संस्थाको रकम अपचलन गरेपछि प्रहरीद्वारा यसअघि नै पक्राउ गरिएका व्यक्ति हुन् । उक्त मुद्दामा पक्राउ परेपछि धरौटीमा छुटेका थिए । उनका विरुद्ध आपराधिक उपद्रव मुद्दा चलाइने प्रहरीले जनाएको छ ।
