आज राति १० बजेदेखि नारायणगढ–मुग्लिङ–काठमाडौँ सडकखण्डमा सवारी आवागमन बन्द
सप्तकोशीमा पानीको बहाव बढ्यो, जेटबोट बन्द
वि.सं.२०८० असार ८ शुक्रवार ०७:१६
637
shares
shares
{"caption":"u0938u0941u0928u0938u0930u0940u0915u094b u092cu0930u093eu0939u0915u094du0937u0947u0924u094du0930u0938u094du0925u093fu0924 u091au0924u0930u093e u0928u091cu093fu0915u0948u0915u094b u0938u092au094du0924u0915u094bu0936u0940u0915u094b u0928u092fu093eu092au0941u0932 u092eu0941u0928u0940 u0930u093eu0916u093fu090fu0915u093e u091cu0947u091fu092cu094bu091fu0939u0930u0941 u0964 u0924u0938u094du092cu093fu0930 u0903 u092au094du0930u0926u0940u092a u092eu0947u0928u094du092fu093eu0919u094du092cu094b/u0915u093eu0928u094du0924u093fu092au0941u0930u00a0","photographer":"","alt_text":""}
कटारी । सप्तकोशीमा पानीको बहाव बढेपछि उदयपुर र सुनसरीको सीमास्थित सप्तकोशीमा सञ्चालित जेटबोट बन्द भएको छ । उदयपुरको बेलका नगरपालिका–८ र सुनसरीको बराहासीमा स्थित सप्तकोशीमा १३ वटा जेटबोर्ड सञ्चालनमा थिए । वर्षासँगै कोशीमा पानीको बहाव उच्च भएपछि वर्षाभरका लागि जेटबोट बन्द गरिएको कोशी एडभेन्चरका सञ्चालक समितिका सचिव शिव थापाले बताए । “कोशीमा पानी बढेपछि सबै जेटबोट कोशीबाट निकालिसक्यौँ”, थापाले भने, “बोटले पानीको छाल नै काट्न नसक्ने अवस्था भएपछि बोट बन्द गरिएको हो ।”
पानीको बहाव घटे सँगै आगामी असोज महिना देखि फेरि बोट सञ्चालनमा आउने पनि सचिव थापाले बताए । बोटले उदयपुर, सुनसरी, भोजपुर र धनकुटा लगायतका स्थानहरूमा यात्रु ओसारपसार गर्दै आएको थियो । बोटले बराहा क्षेत्र, त्रिवेणी, सिम्ले र माईबेनी गरी चारवटा स्थानहरूमा मुख्यगरी आउजाउ गर्ने गरेको थियो । गाडी बाट झन्डै तीन घण्टा समय लाग्ने ठाउँ सिम्लेमा जेटबोटले करिब १५ मिनेटमै पुर्याउने गरेको थियो । बोटका कारण पहाडी जिल्ला भोजपुर र धनकुटा जाने यात्रुहरूलाई सहज थियो । बोटले वर्षा बाहेकका समयमा १५ हजारको हाराहारीमा यात्रुहरूलाई आउजाउ गराउने गरेको छ ।
