एनडुयु बर्नहम बेलायतका नयाँ प्रधानमन्त्री
आज राति १० बजेदेखि नारायणगढ–मुग्लिङ–काठमाडौँ सडकखण्डमा सवारी आवागमन बन्द
वि.सं.२०८३ साउन ३ आइतवार १८:२७
429
shares
shares
चितवन। जिल्ला प्रशासन कार्यालय, चितवनले लगातारको वर्षा र बाढी–पहिरोको जोखिमलाई मध्यनजर गर्दै राति १० बजेदेखि अर्को सूचना प्रकाशित नभएसम्म नारायणगढ–मुग्लिङ–काठमाडौँ सडकखण्डमा चल्ने सबै प्रकारका सवारी साधनको आवागमन बन्द गर्ने निर्णय गरेको छ।
प्रमुख जिल्ला अधिकारी गणेश अर्यालले आइतबार सूचना जारी गर्दै चितवनसहित धादिङ र आसपासका जिल्लामा वर्षा जारी रहने तथा जोखिम बढ्न सक्ने मौसम पूर्वानुमानका आधारमा यात्रु तथा सवारी साधनको सुरक्षालाई प्राथमिकतामा राख्दै उक्त निर्णय गरिएको हो।
आवश्यक जानकारी, समन्वय तथा उद्धार सम्बन्धी सहयोगका लागि नेपाल प्रहरी (१००), सशस्त्र प्रहरी बल (१११४), जिल्ला आपत्कालीन कार्य सञ्चालन केन्द्र र जिल्ला प्रहरी कार्यालय, चितवनमा सम्पर्क गर्न सकिने जनाइएको छ।
