कांग्रेसका नेता अभिषेक गिरी पक्राउ
भन्सार तिरेर सुन ल्याउन दिने व्यवस्था गरौँ
वि.सं.२०८० मंसिर २९ शुक्रवार १३:०९
728
shares
shares
काठमाडौ । अन्तर्राष्ट्रिय विमानस्थलबाट सुन तस्करी हुने कार्य रोकिएको छैन । पाँच महिनामा नै करिब ६१ किलो बरामद भईसकेको छ । अस्तिमात्र फेरी १४ किलो सुन बरामद भएको छ । दुबईबाट ल्याएको सुन बरामद भएको भनिएको छ । पटक पटक सुन बरामद हुँदा समेत विमानस्थलको सुरक्षा व्यवस्थालाई चुस्त राखिएको छैन ।
जति पटक सुन बरामद भएपनि भरियामात्र पक्राउ पर्ने गरेका छन् । सरकारले जाँचबुझ समिति बनाएको भएपनि त्यस्ता समितिहरु सुनका मालिक को हुन भनेर उनीहरुको नजिक पुग्न नसकेकाले गर्दा प्रष्ट हुन्छ सुन तस्करी काण्डमा समेत राजनीतिक दल र सरकारमा बसेका उच्च तहकै व्यक्तिहरुको संलग्नता रहेको छ भनेर । भरियामात्र पक्राउ गर्ने तर मालिकहरु पक्राऊ गर्न नसकेका हुनाले पटक पटक सुनको तस्करी भईरहेको छ ।
पाँच महिनामा ६१ किलो सुन विमास्थलबाट पक्राउ परिसकेको छ । कतिपय पटक त सुन विमानस्थलबाट बाहिरिसकेपछि समातिएको हुनाले त्रिभुवन विमानस्थलको सुरक्षामाथि नै प्रश्न चिन्ह खडा भएको छ । सुन तस्करहरुले त्रिभूवन विमानस्थलाई ट्रान्जिट पोइन्ट बनाएर सुन भित्र्याइरहेका हुनाले अब सरकारले भन्सार तिरेर सनु ल्याउन पाउने व्यवस्था गर्नु नै उपर्युक्त हुनेछ ।
विश्वको दोस्रो ठुलो सुनको बजार भनेको भारत रहेको र भारतले सुनमा ४० प्रतिशत भन्दा बढी कर लगाएको हुनाले नेपालबाट चोरी तस्करी गरि भारतमा नै सुन पुग्ने गरेको छ । भारतमा १ हजार र पाँच सयको नोट खारेज गरेको हुनाले भारतका धनीमानी व्यक्तिहरुले सुन खरिद गर्ने गरेका हुनाले भारतमा सुनको माग बढ्दो क्रममा रहेको र भन्सार तिरेर सुन खदिर गर्दा महंगो पर्ने भएकाले दुबईबाट नेपालमा सुन ल्याएर भारतमा पठाउने गरिएको आशंका गरिएको छ ।
अब नेपाल सरकारले समेत १ हजार र ५ सयको नोट खारेज गरेर भारतको भन्दा केही बढी सुनमा भन्सार लगाएर सुन ल्याउन दिने व्यवस्था गरेको खण्डमा मात्र सुनको तस्करी रोकिन्छ । विश्वको सुनको सबैभन्दा ठुलो बजार चीन भएको र नेपालमा तस्करी गरी आउने सुनमा समेत चिनियाँ नागरिकहरुको संलग्नता देखिएको हुनाले त्यसलाई रोक्नका लागि भएपनि भन्सार तिरेर सुन ल्याउन दिने व्यवस्था गर्नु उपर्युक्त हुनेछ ।
