जनकपुरमा गुठी जग्गामा बसेकाहरूले बालेन सरकारका विरूद्ध प्रदर्शन गर्दै मागे राजिनामा
काठमाडौंमा चिसो बढ्दो, आज मङ्गलबार बिहानको तापक्रम ३.४ डिग्री सेलसियस : आज यि प्रदेशमा हल्का वर्षा र हिमपातको सम्भावना तराईमा हुस्सु
वि.सं.२०८२ पुस २२ मंगलवार ०९:०२
1.46K
shares
shares
काठमाडौं उपत्यकासहित देशभर चिसो बढ्दै गएको छ । काठमाडौं उपत्यकाको तापक्रम आज (मंगलबार) यो वर्षको हालसम्मकै कम मापन गरिएको हो । काठमाडौंमा आज बिहान साढे ५ बजे न्यूनतम तापक्रम ३.४ डिग्री सेल्सियस मापन गरिएको जल तथा मौसम विज्ञान विभागले जनाएको छ ।
सोमबार बिहान पौने ९ बजे काठमाडौंको न्यूनतम तापक्रम ३.५ डिग्री सेल्सियस मापन गरिएको थियो । आइतबार काठमाडौंको न्यूनतम तापक्रम ४.५ डिग्री सेल्सियस थियो ।यसैबीच, आज देशका केही भूभागमा वर्षा र हिमपातको सम्भावना छ । चारवटा प्रदेशका केही भूभागमा वर्षा र हिमपातको सम्भावना रहेको हो । विभागका अनुसार दिउँसो तराई भूभागका अधिकांश स्थानहरूमा हुस्सु र कुहिरो रहनेछ ।
कोसी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भू–भागमा आंशिक बदली रहनेछ । बाँकी भूभागमा मौसम मुख्यतया सफा रहनेछ ।कोसी, गण्डकी, कर्णाली र सुदूरपश्चिम प्रदेशका उच्च पहाडी तथा हिमाली भूभागका एकदुई स्थानमा हल्का वर्षा र हिमपातको सम्भावना रहेको विभागले जनाएको छ ।
राति तराई भूभागका धेरै स्थानमा हुस्सु रहनेछ । कोसी, गण्डकी र कर्णाली प्रदेशका उच्च पहाडी तथा हिमाली भूभागमा आंशिक बदली रहने विभागले बताएको छ । हाल देशभर पश्चिमी वायुको आंशिक प्रभाव रहेको छ ।
