रास्वपा महाधिवेशनको वेथिति हर्दा हामीले देश चलाउन सक्दैनौ है साथी हो : रास्वपा नेता एंव...
सर्वोच्च अदालतमा दर्ता भएको साहको निवेदन न्यायाधीश नहकुल सुवेदीको इजलासमा
वि.सं.२०७९ साउन २३ सोमवार १४:५१
637
shares
shares
काठमाडौं । उच्च अदालतको न्यायाधीश बाट बर्खास्तमा परेकी रेणुका साह कानूनी उपचारका लागि सर्वोच्च अदालत पुगेकी छन् । आफूलाई गैरकानूनी रुपमा बर्खास्त गरिएको दावी सहित उनले न्यायपरिषदको सिफारिस र त्यसका आधारमा कायम मुकायम प्रधानन्यायाधीशले गरेको निर्णय बदरको माग गरेकी छन् । गत विहीबार सर्वोच्च अदालतमा दर्ता भएको साहको निवेदन न्यायाधीश नहकुल सुवेदीको इजलासमा परेको छ ।
न्यायाधीश साहले आफूलाई गलत ढंगले र गैरकानूनी रुपमा पद बाट बर्खास्त गरिएको आरोप लगाएकी छन् । उनले न्यायपरिषदका अध्यक्ष एवं कामू प्रधानन्यायाधीश, न्यायपरिषदका बरिष्ठतम सदस्य रहने कानूनमन्त्री अनि न्यायपरिषदका सदस्यहरुलाई विपक्षी बनाएकी छन् ।
सीटीईभीटीमा २० वर्ष कार्यरत रहँदा कानून र न्याय सँग सम्बन्धित काम नगरेको तथा त्यो अवधिमा वकालत गरेका कुनै प्रमाण पनि पेश गर्न नसकेकाले आफ्नो अयोग्यता लुकाएको न्यायपरिषदको ठहरसहित उनी बर्खास्तमा परेकी थिइन् ।
