सबैको सहमतिमा मात्र संविधान संशोधन हुनुपर्दछ

प्रधानमन्त्री बालेन साह नेतृत्वको सरकारले गत चैत्र १६ गते आफ्नै सल्लाकार असिन साहको...

Abhiyan Weekly

प्रतिनिधिसभाबाट बजेट पारित कस्तो रहला आज बिहिवारको मौसम : यी प्रदेशहरूमा हल्का वर्षाको सम्भावना दीपक भट्ट र शुलभ अग्रवाल जेल चलान यस्तो छ आज बिहिवारका लागि तोकिएको विदेशी मुद्राको विनिमय दर अमेरिकी राष्ट्रपति ट्रम्पको इरानलाई चेतावनी सर्त स्वीकार नगरे फेरी बमवारी सुरू गर्छौ डिआर कंगोले पोर्चुगललाई १-१ को बराबरीमा रोक्यो प्रधानमन्त्री बालेनका सामू सभापति निरिह सबैको सहमतिमा मात्र संविधान संशोधन हुनुपर्दछ राजनीति संसदमा, कूटनीति भूराजनीतिमा अड्कियो बालेनका प्रियमन्त्री भन्दछन्, ‘ठेकेदारका खुट्टा भाँचिदिनुहोस !” बालेन सरकारका मन्त्रीहरु के कानून भन्दा माथि हुन् ? अमेरिका लगायतका देशहरूले इरानमा ३०० अर्व डलर लगानी गर्ने

एमालेले बोलायो सचिवालय बैठक

Abhiyan Weekly

वि.सं.२०७९ फागुन १५ सोमवार ०९:४५

533
shares

काठमाडौं । सत्तारुढ नेकपा एमालेको सचिवालय बैठक बस्दै छ । परराष्ट्रमन्त्री विमला राई पौड्याललाई प्रधानमन्त्री पुष्पकमल दाहाल प्रचण्डले जेनेभा जान बाट रोकेपछि एमालेले सचिवालय बैठक बोलाएको हो । बैठक बिहान ११ बजे केन्द्रीय कार्यालय च्यासल ललितपुरमा बस्ने छ । नेकपा एमालेका महासचिव शंकर पोख्रेलले मन्त्रिपरिषदबाट स्विकृत परराष्ट्रमन्त्रीको भ्रमण प्रधानमन्त्रीको ठाडो आदेशमा रोकिएको सन्दर्भमा आज ११ बजे पार्टी सचिवालयको बैठक बस्न लागेको जानकारी दिएका छन् ।

राष्ट्रपतिको उम्मेदवार मनोनयन गर्दा एमाले नेताहरुले राष्ट्रपतिको निर्वाचन सम्म सरकार नछाड्ने बताएका थिए । आइतबार परराष्ट्रमन्त्री पौड्याललाई अन्तिम समयमा जेनेभा जान रोक लगाइएपछि एमाले सरकार बाट बाहिरिनुपर्ने आवाज पुनः उठेको छ । एमाले उपाध्यक्ष अष्टलक्ष्मी शाक्यले सरकारमा रहने कि नरहने भन्ने विषयमा आजको बैठकमा छलफल हुनसक्ने बताइन् । एमाले केन्द्रीय कार्यालयका सचिव डा. भीष्म अधिकारीले बैठकमा पछिल्लो राजनीतिक घटनाक्रमका साथै राष्ट्रपति निर्वाचन लगायतका विषयमा छलफल हुने बताए ।

नेकपा एमालेले पार्टीका उपाध्यक्ष सुवास नेम्वाङलाई राष्ट्रपति पदको उम्मेदवार बनाएको छ । उनको प्रतिस्पर्धा आठ दलीय गठबन्धनका साझा उम्मेदवार नेपाली कांग्रेसका रामचन्द्र पौडेल सँग हुनेछ । राष्ट्रपतिको निर्वाचन यही फागुन २५ गते हुँदैछ । एमालेको समर्थनमा गत पुस १० गते प्रधानमन्त्री बनेका माओवादी अध्यक्ष प्रचण्डले कांग्रेस सहितको आठ दलीय गठबन्धन बनाएपछि एमाले उनी सँग रुष्ट छ । सोही आठ दलीय गठबन्धनले कांग्रेसका पौडेललाई राष्ट्रपतिको साझा उम्मेदवार बनाएको हो । त्यसलगत्तै एमालेमा सरकार बाट हट्ने कि नहट्ने भन्ने भइरहेको छ । राप्रपाले भने सरकार बाट बाहिरिंदै समर्थन पनि फिर्ता लिइसकेको छ ।

प्रकाशित मिति / समय : वि.सं.२०७९ फागुन १५ सोमवार ०९:४५