कस्तो रहला आज बिहिवारको मौसम : यी प्रदेशहरूमा हल्का वर्षाको सम्भावना
बालेनका प्रियमन्त्री भन्दछन्, ‘ठेकेदारका खुट्टा भाँचिदिनुहोस !”
वि.सं.२०८३ असार ४ बिहीवार ११:२८
559
shares
shares
काठमाडौ । गत जेष्ठ ११ गते सुकुम्बासी बस्तीमा डोजर चलाएर प्रधानन्त्री बालेन साहले आफ्नो विदाको बारलाई फेसबुकमा रमाइलोमा केन्द्रीत गरेका थिए । त्यसैगरी गत जेष्ठ ३० गते पनि उनी आफ्नै साथीको चिया पसलमा पुगेर चिया पिउन व्यस्त रहे । बालेन साहको नेतृत्वको सरकारमा रहेका र प्रधानमन्त्रीले देश विकासको लागि देश बनाउने टोलीमा समावेश गरेका मन्त्रीहरुले ठेकेदारको खुट्टा भाँचिदिने अराजक अभिव्यक्ति दिएका छन् । यस कारणले गर्दा पनि सरकारप्रति जनताको आक्रोश बढ्दै छ ।
प्रधानमन्त्री साहले २ मन्त्री सहितको तस्वीर राख्दै देश बनाउने टोली भनि फेसबेकमा पोष्ट गरेको पोष्टले सामाजिक सञ्जालमा बहस सिर्जना भएको छ । उक्त पोष्टका कारण राष्ट्रिय स्वतन्त्र पार्टीभित्र समेत असन्तुष्टि बढ्दै गएको मात्र छैन पार्टी नेतृत्वको भूमिका प्रति समेत गम्भीर प्रश्न उठ्न थालेको छ । प्रधानमन्त्री साहका विवादित निर्णय र अभिव्यक्तिका कारण संसदमा विपक्षी दलहरुको विरोध जारी रहँदा पार्टी सभापति रवि लामिछनेलाई रक्षात्मक अवस्थामा पु¥याएको छ । असार १ गते आइतबार प्रधानमन्त्री साहले दुईवटा स्टाटस लेखे तीन घण्टाको फरकमा । राति १० बजेर ५१ मिनेटमा एउटा पोष्ट भएको थियो भने अर्को दोस्रो पोष्ट पहिलाको प्रष्टोक्तिमा लेखिएको थियो । हप्ताभरी काम गरेर म विदाको दिन जिस्किन्छु यो समस्या होइन बालेनले लेखेका छन् ‘त्यो दिन दुःख मान्नु जुन दिन म जिस्किन छाड्छु ।’
भावनात्मक भाषा प्रयोग गरेर तीन घण्टाभित्र प्रष्टोक्ति स्टाटस लेख्नुले उनी पहिलो स्टाटसको दवावमा परेको सहजै अनुमान लगाउन सकिन्छ । प्रधानमन्त्री साह धेरै स्टाटस नलेख्ने र विपक्षीहरुले संसदमा प्रधानमन्त्रीको संसदमा उपस्थितिलाई संसद बैठक नै अवरोध गरिरहँदा पनि उनलाई संसद बैठकको अवरोधले छोएको थिएन । तर उनले पछिल्लो समयमा लेखेका दुई स्टाटसलाई चासोको रुपमा हेरिएको छ ।
प्रधानमन्त्रीले प्रष्टिकरण नै राख्नुपर्ने पहिलो स्टाटसमा लेखिएको थियो राति ८ ः २० पोष्ट भएको थियो दुई प्रभावशाली मन्त्रीहरु सुधन गुरुङ र सुनिल लम्साललाई अंगालो हालेर क्याप्सनमा लेखिएको थियो पिएम, एमएम, आईएम देश बनाउने टोली भनेर । गुरुङ र लम्साल फागुन २१ गतेको निर्वाचन अघि नै बालेनसँग जोडिएका व्यक्ति हुन् ।
आफैँसँग रास्वपामा जोडिएका सुधन गुरुङ र लम्साललाई बालेनले महत्वपूर्ण मन्त्रालयको जिम्मेवारी दिएका छन् भने गुरुङलाई दोस्रो पटक गृहमन्त्रीमा नियुक्त गरेका छन् । विवादास्पद व्यक्तिसँग जोडिएका सूचना पछि गुरुङले राजिनामा दिएका थिए तर गुरुङलाई बचाउनैका लागि प्रधानमन्त्री बालेनले छानविन समिति बनाएर उनलाई चोख्याएर पुन गृहमन्त्री बनाएका छन् ।
मन्त्री लम्साल प्रभावशाली र सबैभन्दा महत्वपूर्ण मन्त्रालयको जिम्मेवारीमा रहेका भएपनि उनले हालै काम सम्पन्न नगर्ने ठेकेदारको खुट्टा भाँचिनिुहोस् भन्दै जनतालाई आग्रह गरेका समाचारहरु प्रकाशित प्रसारित भएपछि लम्साल विवादको घेरामा तानिएका छन् ।
ठेकेदारले समयमै काम नगरेको खण्डमा कानूनी कारबाही गर्नुको बदला खुट्टा भाँचिदिनुहोस् भन्नु र कहिले ठेकेदारहरुलाई मन्त्रालयमा बोलाएर हप्कीदप्की गर्नुले मन्त्री लम्साल र बालेन सरकारको रणनीति के भन्ने प्रश्न समेत उठेको छ ।
