अमेरिका लगायतका देशहरूले इरानमा ३०० अर्व डलर लगानी गर्ने
पुराना कम्पनीहरूले असार मसान्तसम्म विवरण बुझाए सबै जरिवाना शुल्क मिनाह हुने
वि.सं.२०८३ असार ३ बुधवार १७:०६
169
shares
shares
काठमाडौं । असोज मसान्तभित्र विवरण बुझाउने कम्पनीको पुराना सबै कर र जरिवाना मिनाहा हुने भएको छ । तोकिएको म्यादभित्र विवरण नबुझाएका र अद्यावधिक नगरेका कम्पनीहरूका लागि कर, शुल्क, दस्तुर वा जरिवानामा मिनाहा हुने भएको हो ।
कम्पनी रजिष्ट्रारको कार्यालयका रजिष्ट्रार कृष्ण कुमारी श्रेष्ठका अनुसार सरकारको अर्थसम्बन्धी प्रस्तावलाई कार्यान्वयन गर्न बनेको विधेयक, २०८३ को दफा ४८ को विशेष व्यवस्था बमोजिम यो सरेस्ता र सहुलियत प्रदान गरिएको हो ।कम्पनी ऐन, २०६३ बमोजिम दर्ता भई समयमै आफ्नो कानुनी विवरण पेस नगरेका, अद्यावधिक नगरेका वा बुझाउनुपर्ने कर, शुल्क र जरिवाना दाखिला नगरेका कम्पनीहरूलाई लक्षित गरी यस्तो व्यवस्था गरिएको हो ।
यस व्यवस्थाअन्तर्गत कम्पनीहरूले आफ्नो व्यवसायलाई पुनः नियमित रूपमा जारी राख्न वा कानुनी रूपमै दर्ता खारेज (लिक्विडेशन) गर्न चाहेमा आगामी २०८३ साल असोज मसान्तभित्र आवश्यक प्रक्रिया पूरा गर्नुपर्नेछ ।कम्पनीले आर्थिक वर्ष २०८२/८३ को वार्षिक विवरण र सो अवधिको नियमअनुसार लाग्ने कर, शुल्क, दस्तुर तथा विवरण तोकिएको म्यादभित्र अनिवार्य रूपमा पेस गर्नुपर्नेछ ।
२०८३ असोज मसान्तभित्र चालू आर्थिक वर्षको विवरण र राजस्व दाखिला गरेमा सोभन्दा अघिका वर्षहरूमा लागेको वा लाग्ने सम्पूर्ण कर, दस्तुर, शुल्क तथा जरिवाना पूर्ण रूपमा मिनाहा हुने कानुनी व्यवस्था गरिएको छ ।
