सुदूरपश्चिम प्रदेशका नवनियुक्त मुख्यमन्त्री खगराज भट्टले पद तथा गाेपनीयताकाे शपथ लिए
राजदूत नियुक्तिमा समावेशी सिद्धान्त अपनाउने छौं : परराष्ट्रमन्त्री साउद
वि.सं.२०८० साउन १७ बुधवार १७:११
663
shares
shares
काठमाडौं । परराष्ट्रमन्त्री एनपी साउदले राजदूत नियुक्तिमा समावेशी सिद्धान्त अपनाउने बताएका छन् । बुधबार संघीय संसदको संसदीय सुनुवाइ समितिको बैठकमा उनले सरकार सबै प्रकारका नियुक्तिहरुलाई संवैधानिक व्यवस्था अनुसार समावेशी बनाउन प्रतिवद्ध रहेको बताएका हुन् ।
मन्त्री साउदले हाल मन्त्रालयमा रहेको १७ सहसचिवहरु मध्ये ६ जना समावेशी सिद्धान्तको आधारमा छनौट भई कार्यरत रहेको पनि समितिलाई जानकारी गराए । त्यस्तै ५० उपसचिव मध्ये ३१ जना समावेशी कोटाबाट आएको उनको भनाइ छ । मन्त्री साउदले हाल २६ देशमा कार्यरत राजदूत मध्ये समावेशी सिद्धान्तकै आधारमा महिला ३, जनजाति ४, मधेशी १, अपांगता भएका व्यक्ति १ रहेका पनि उनले जानकारी दिए ।
