काठमाडौं। इन्डियन प्रिमियर लिग (आईपीएल) क्रिकेटमा चेन्नई सुपर किङ्सले लखनउ सुपर जायन्ट्सलाई पाँच विकेटले पराजित गरेको छ । जारी आईपीएलमा चेन्नईको यो दोस्रो जित हो ।
गएराति अटल बिहारी क्रिकेट स्टेडियममा भएको खेलमा चेन्नईले लखनउलाई पाँच विकेटले पराजित गरेको हो । योसँगै लखनउको तीन खेलको अपराजित यात्रा टुंगिएको छ ।लखनउले दिएको १६७ रनको लक्ष्य पछ्याएको चेन्नईले १९ ओभर तीन बलमा पाँच विकेट गुमाउँदै १६८ रन बनायो ।
टस हारेर पहिला ब्याटिङ थालेको घरेलु टोली लखनउले निर्धारित २० ओभरमा सात विकेट गुमाउँदै १६६ रन बनाएको थियो ।जारी प्रतियोगितामा लखनउको सात खेलबाट आठ अंक छ । समान खेलबाट पुछारमा रहेको चेन्नईको चार अंक छ ।
