पूर्व अर्थमन्त्री शर्मा पनि पक्राउ पर्न सक्ने सम्भावना
पूर्वराजा ज्ञानेन्द्र शाहलाई मर्यादा क्रममा छैठौं स्थान
वि.सं.२०७९ जेठ १५ आइतवार १७:११
585
shares
shares
काठमाडौं। सरकारले पूर्वराजा ज्ञानेन्द्र शाहलाई मर्यादा क्रममा छैठौं स्थानमा राख्ने भएको छ। पूर्व राष्ट्र प्रमुखको हैसियतमा शेरबहादुर देउवा नेतृत्वको सरकारले पूर्वराजालाई सेवा सुविधा पनि दिने भएको हो। उच्च स्रोतका अनुसार यो हैसियत बालवाला उपप्रधानमन्त्री सरह हो भने पूर्वराष्ट्रपति सरह पनि हो।
मर्यादाक्रमको पहिलो नम्बरमा राष्ट्रपति, दोस्रोमा उपराष्ट्रपति, तेस्रोमा प्रधानमन्त्री, चौथोमा प्रधानन्यायाधीश र पाँचौँमा प्रतिनिधिसभाका सभामुख तथा राष्ट्रियसभाका अध्यक्षलाई समान गरिएको छ। छैटौँमा पूर्वराष्ट्रपति, पूर्वराजासहित, उप्रधानमन्त्री, पूर्वउपराष्ट्रपति, पूर्वप्रधानमन्त्री, मन्त्रिपरिषद्का पूर्वअध्यक्ष र प्रदेश प्रमुख रहने व्यवस्था गर्न लागिएको हो।
मर्यादाक्रमको सातौँ नम्बरमा संघीय मन्त्री, प्रदेश सरकारका मुख्यमन्त्री, प्रदेश प्रमुख, विपक्षी दलका नेता, नेपाल रत्न मानपदवी पाउने महानुभावहरू, पूर्वप्रधानन्यायाधीश, संविधानसभाका अध्यक्ष, प्रतिनिधिसभाका उपसभामुख, राष्ट्रियसभाका उपाध्यक्ष, सत्तापक्षको संसदीय दलको उपनेता, प्रतिनिधिसभाका पूर्वसभामुख, राष्ट्रियसभाका पूर्वअध्यक्ष र पूर्वउपप्रधानमन्त्री रहनेछन्।
७ चैतमा नै यो मर्यादाक्रम तय गरिएको थियो। गृहमन्त्री बालकृष्ण खाँणले २० पुसमा मर्यादाक्रम तोक्न पाँच सदस्यीय समिति गठन गरेका थिए। गृह मन्त्रालयका सहसचिव शिवराम पोखरेल संयोजकत्वको समितिले तयार पारेको प्रतिवेदनका आधारमा मर्यादाक्रम तयार पारेर मन्त्रालयमा बुझाइको छ।
