Abhiyan Weekly

४५ कर्मचारीकाे सरुवा पत्रकार किशोर श्रेष्ठलाई रिहा गर्न अदालतको आदेश द्वन्द्वपीडितहरूको जीविकोपार्जन, निःशुल्क स्वास्थ्य उपचार र रोजगारी जस्ता गम्भीर सवालहरू जोडिएको रिट निवेदनलाई प्राथमिकता दिँदै... खानी तथा खनिज पदार्थ विधेयक २०८३ माथि विचार गरियोस् भन्ने प्रस्ताव बहुमतले स्वीकृत बागमतीका मुख्यमन्त्री इन्द्र बानियाँले राजीनामा दिए प्रतिनिधिसभाका सभामुख अर्यालद्धारा प्रधानमन्त्री बालेनलाई सांसदहरूले उठाएका प्रश्नको संसदमा आएर जवाफ दिन गरे रूलिङ प्रतिनिधि सभाको बैठकमा विपक्षीहरूको उठेर विरोध जङगी अड्डामा भारतीय सेनाप्रमुख सेठ र प्रधानसेनापति सिग्देलबीच आज भयो भेटवार्ता विधुत्त प्राधिकरणको नाफा पौने ४ अर्वभन्दा बढी घट्यो सम्पादक किशोर श्रेष्ठलाई थप ४ दिन थुनामा राखेर अनुसन्धान गर्न अनुमति आन्दोलनरत नेपाल वैदेशिक रोजगार व्यवसायी सङ्घ र श्रम, रोजगार तथा सामाजिक सुरक्षा मन्त्रालयबिच सहमति सुनको मूल्य प्रतितोला ३ लाख ६ हजार ८ सय रुपैयाँ

संघीयता खारेजको माग गर्दै प्रधानमन्त्रीलाई ज्ञापनपत्र

Abhiyan Weekly

वि.सं.२०७९ माघ २८ शनिवार ०८:५३

598
shares

डोटी ।राष्ट्रिय जनमोर्चा डोटीले संघीयता खारेजीको माग गर्दै प्रधानमन्त्रीलाई ज्ञापन पत्र पठाएको छ । शुक्रबार डोटीका प्रमुख जिल्ला अधिकारी मार्फत बुझाइएको ज्ञापन पत्रमा कुनै पनि दृष्टिले संघीयता नेपालका लागि उपयुक्त नभएको भन्दै खारेज हुनु पर्ने उल्लेख छ । ‘संघीयताका कारण गणतन्त्र र राष्ट्रियता दुईटै खतरामा परेको छ,’ ज्ञापन पत्रमा भनिएको छ, ‘गणतन्त्र र राष्ट्रियताको रक्षाका लागि संघीयता खारेज गर्नु पर्ने आवश्यकता छ ।’

संघीयता धान्न नेपालमा स्रोत साधन नभएको र मुलुक दिन प्रतिदिन विदेशीको ऋणमा पर्ने खतरा भएको ज्ञापन पत्रमा उल्लेख छ । मुलुकमा आर्थिक भार थप्ने गरि प्रदेशको शासकीय स्वरुप राख्नको औचित्य नभएको भन्दै प्रादेशिक तह खारेज गरि प्रदेशलाई जाने सम्पूर्ण वजेट गाउँको विकासमा लगाउनु पर्ने आवश्यकता रहेको ज्ञापन पत्रमा उल्लेख छ । ८ बुँदे ज्ञापन पत्रमा गणतन्त्रलाई कमजोर पारेर आˆना राजनीति स्वार्थ पुरा गर्न देशलाई प्रतिगमन तर्फ लगिएकाले सरकार गम्भीर हुनु पर्ने,देशको राष्ट्रियता तथा कालापा सहितको भू भागलाई संसदभित्र तथा बाहिर अन्तराष्टियकरण गर्नु पर्ने, अतिक्रमण भू-भागलाई फिर्ता लिन सरकारले अविलम्ब प्रयत्न गर्नु पर्ने माग गरिएको छ ।

यस्तै एमसीसी अविलम्ब खारेज गर्नु पर्ने, धर्म परिवर्तनका लागि भइरहेका गतिविधिविरुद्ध आवश्यक कदम चाल्नु पर्ने, महँगी, बेरोजगार, कालो बजारी नियन्त्रण लगायतका माग राख्दैज्ञापन पत्र बुझाएको राष्ट्रिय जनमोर्चा डोटीका अध्यक्ष डबल बोगटी बताए । प्रमुख जिल्ला अधिकारी कल्पना श्रेष्ठले ज्ञापन पत्र बुझ्दै तत्कालै सम्बन्धित निकायमा पठाइने बताइन् ।

प्रकाशित मिति / समय : वि.सं.२०७९ माघ २८ शनिवार ०८:५३