रास्वपाको बन्दसत्र आजकालागि स्थगित, भोली बन्दसत्र हुने
प्रतिनिधिसभाको बैठक आज बस्दै
वि.सं.२०७८ असोज ४ सोमवार १०:१६
481
shares
shares
काठमाडौं । आजको बैठकमा प्रमुख प्रतिपक्षी दल नेकपा एमालेले बैठक अवरुद्धलाई यथावत राखेपनि विनियोजन विधेयक, २०७८ पारित गर्ने सरकारको तयारी छ । समयमै विनियोजन विधेयक पारित नगरेर सरकारले अहिले बजेट होलिडेको अवस्था सृजना गरेको छ ।
भदौ ३१ गतेदेखि सरकारले आफ्नो ढुकुटीबाट एक रुपैयाँ खर्च गर्न पाएको छैन । संघीय संसद् सचिवालयका अनुसार बिहान ११ बजे बस्ने बैठकका लागि विभिन्न ६ वटा सम्भावित कार्यसूची तय गरिएको छ । बैठकमा विनियोजन विधेयक, २०७८ माथि छलफल हुनेछ ।
यस्तै बैठकमा सांसद् प्रेम सुवालले विनियोजन विधेयकअन्तर्गतका विभिन्न मन्त्रालय, कार्यालय एवं सचिवालय शीर्षकका खर्च रकममा उल्लेखित रकम घटाइयोस् भनी खर्च कटौतीका प्रस्ताव पेस गर्नुहुने कार्यसूची छ ।
बैठकमा अर्थमन्त्री शर्माले विनियोजन विधेयकलाई पारित गरियोस् भन्ने प्रस्ताव पेस गर्नुहुने कार्यसूची छ । उहाँले आर्थिक विधेयकमाथि विचार गरियोस् भन्ने प्रस्ताव पनि प्रस्तुत गर्नुहुनेछ । अर्थमन्त्रीले नै आर्थिक विधेयकमा दफाबार छलफलको मिति तोक्न प्रस्ताव पेस गर्नुहुने कार्यसूची छ ।
अर्थमन्त्री शर्माले राष्ट्र ऋण उठाउने विधेयक, २०७८ माथि विचार गरियोस् भन्नका लागि प्रस्ताव पेस गर्नुहुने पनि कार्यसूचीमा उल्लेख छ ।
