सुकुम्बासीको नाम टिपाउनेको सङ्ख्या ५४७ पुग्यो
सशस्त्र प्रहरीको आपराधिक गतिविधि देखिएमा टोल फ्री नम्बर १११४ मा फोन गर्न आग्रह
वि.सं.२०८२ भदौ २७ शुक्रवार १४:४४
1.38K
shares
shares
काठमाडौँ । सशस्त्र प्रहरीले राष्ट्रमा शान्ति र सुव्यवस्था कायम गर्न तथा जनताको सुरक्षाका लागि आफू पूर्ण रूपमा प्रतिबद्ध रहेको बताएको छ। हालैको विषम परिस्थितिमा पनि सशस्त्र प्रहरी संयमताका साथ देश र जनताको सेवामा खटिएको विज्ञप्तिमा उल्लेख छ।
विज्ञप्तिअनुसार सशस्त्र प्रहरी बल, नेपालले आफ्नो मुख्य जिम्मेवारीअन्तर्गत सीमा सुरक्षामा कुनै पनि किसिमको विचलन नआएको स्पष्ट पारेको छ। अन्तर्राष्ट्रिय सीमामा रहेका अन्य सुरक्षा निकायहरूसँगको समन्वयमा सीमा अपराध, घुसपैठ र अतिक्रमण जस्ता कार्यहरू रोक्न प्रहरी प्रभावकारी रूपमा परिचालन भइरहेको जनाइएको छ।
सशस्त्र प्रहरी बलले हालैको विषम परिस्थिति सामान्यीकरण हुँदै गर्दा केही व्यक्ति वा समूहले विभिन्न सञ्चारमाध्यम तथा सामाजिक सञ्जालबाट भ्रामक प्रचारप्रसार गर्न सक्ने वा परिस्थितिको फाइदा उठाई लुटपाट र आगजनीजस्ता आपराधिक गतिविधि गर्न सक्ने भन्दै सचेत गराएको छ।
यस्ता आपराधिक गतिविधिहरू कतै देखिएमा वा पाइएमा तुरुन्तै सशस्त्र प्रहरी बलको टोल फ्री नम्बर १११४ वा अन्य सुरक्षा निकायहरूमा जानकारी गराएर सहयोग गरिदिन सर्वसाधारणलाई अनुरोध गरिएको छ।
