निजिक्षेत्रका संञ्चारमाध्यमलाई सरकारी विज्ञापन नदिने सरकारको निर्णय विरूद्धको रिटमा सक्कल निर्णय झिकाउने आदेश, सोमवार फेरि...
अमेरिकाले नेपाललाई दियो २६३ रनको लक्ष्य
वि.सं.२०८२ कात्तिक ९ आइतवार १७:०६
676
shares
shares
काठमाडौं । समित पटेल र मिलिन्द कुमारको विशाल साझेदारीसँगै अमेरिकाले आईसीसी क्रिकेट विश्वकप लिग २ मा नेपाललाई २६३ रनको लक्ष्य लिएको छ ।
दुबई अन्तर्राष्ट्रिय क्रिकेट मैदानमा टस हारेर पहिला ब्याटिङ थालेको अमेरिकाले ५० ओभरमा ६ विकेट गुमाउँदै २६२ रन बनाएको हो । अमेरिकाका समितले सर्वाधिक ७५ रन बनाए । उनले १०० बल ९ चौका प्रहार गरे । तेस्रो विकेटका लागि मिलिन्दसँग उनले ९५ रनको साझेदारी गरेपछि अमेरिकाले खेलमा पुनरागमन गरेको हो ।
मिलन्दले भने अविजित रहँदै ७० रन बनाए । उनले ५० बलभमा ६ चौका र २ छक्का प्रहार गरे । उनीबाहेक सैतेजा मुक्कामल्लले ४२ र शुभम रञ्जनेले १९ रन बनाए ।
नेपालका सन्दीप लामिछानेले सर्वाधिक २ विकेट लिए । १० ओभर बलिङ गरेका उनले ५६ रन खर्चिए। सोमपाल कामी, आरिफ शेख र दीपेन्द्रसिंह ऐरीको नाममा समान १ विकेट रह्यो ।
