थुन्ने अनि सुन्ने प्रवृत्तिको अन्त्य हुनैपर्दछ

सरकारले अपवादका लागि पाएको सुविधालाई दुरुपयोग गर्दै जब नियमित बनाइन्छ त्यसले कति सम्म...

Abhiyan Weekly

दुई अध्यादेश ल्याउन सरकारले गर्यो राष्ट्रपतिलाई सिफारिस बाणिज्य बैङ्कहरूको नाफामा उल्लेख्य सुधार, १९.३० प्रतिशतले बृद्धि सर्वोच्चको शेखर गोल्छालाई २४ घण्टाभित्र उपस्थित गराउन आदेश सुनको मूल्य घट्यो प्रभुबैक द्धारा एचआरडिसीलाई आर्थिक सहयोग प्रदान आज पूर्णबहादुर खडका समूहको बैठक बस्दै अब पूर्व भिआईपीहरूले विदेशमा गएर उपचार गर्दा पाउने सुविधा सम्बन्धी ब्यबस्था संवैधानिक इजलासद्धारा खारेज संवैधानिक परिषदले पायो पूर्णाता संवैधानिक निकायमा सिफारिस गर्ने बाटो खुल्यो हालसम्म ९३१ सुकुम्बासीले नाम टिपाए संविधान संशोधनका लागि गठित कार्यदलले गर्यो कानूनविद्धहरू सँग छलफल यस्तो छ आज मङ्गलबारका लागि तोकिएको विदेशी मुद्राको विनिमय दर कस्तो रहला आज मङ्गलबार, दिनभरीको मौसम ?

जय ट्रफीको उपाधि नेपाल पुलिसले जित्यो

Abhiyan Weekly

वि.सं.२०८२ चैत ५ बिहीवार १६:५६

910
shares

काठमाडौं। जय ट्रफी क्रिकेटको उपाधि नेपाल पुलिस क्लबले जितेको छ।

बिहीबार सम्पन्न फाइनलमा त्रिभुवन आर्मी क्लबलाई ४ विकेटले पराजित गर्दै पुलिसले उपाधि रक्षा गरेको हो। पुलिसले गत संस्करणको फाइनलमा पनि आर्मीलाई नै हराएर उपाधि जितेको थियो ।आर्मीले दिएको २२७ रनको लक्ष्य पुलिसले तेस्रो दिनको तेस्रो सत्रमा ६ विकेट गुमाउँदै पूरा गर्‍यो।

पुलिसलाई उपाधि दिलाउन राशिद खानले सर्वाधिक ८१ रन बनाए । यस्तै, कुशल भुर्तेलले ५१ रन जोडे । दिलसाद अली ३१ रनमा अविजित रहँदा दिनेश खरेलले २५ रन जोडे।आर्मीका लागि पवन कार्की र शाहब आलमले २–२ विकेट लिँदा आकाश चन्द र भीम सार्कीले एक–एक विकेट लिए ।दोस्रो दिनको समाप्तिमा १७८ रनको अग्रता बनाएको आर्मीले तेस्रो दिन थप ४८ रन जोड्यो ।आर्मीको २२१ रनको पहिलो इनिङ पछ्याउने क्रममा पुलिसले पनि समान २२१ रन बनाउँदै अलआउट भएको थियो। दोस्रो इनिङ थालेको आर्मीले दोस्रो इनिङमा २२६ रन बनाएर अलआउट भएको थियो।

आर्मीका लागि आकाश चन्दले ३७ रन बनाउँदा कुशल मल्लले ३६, शाहब आलमले ३३ तथा भीम सार्कीले ३२ रन बनाए। यस्तै, सोमपाल कामी २३ रनमा अविजित रहँदा तृतराज दासले २० तथा इमरान शेखले १५ रन जोडे।पुलिसका लागि सागर ढकालले ४ विकेट लिँदा र ललित राजवंशी र करण केसीले समान ३–३ विकेट लिए ।त्यसअघि नेपाल पुलिस क्लब पहिलो इनिङमा ६१.४ ओभर खेलेर २२१ रन बनाउँदै अलआउट भएको थियो। आर्मीले पनि पहिलो इनिङमा २२१ रन बनाएपछि पुलिसको अग्रता भएन।

पुलिसका लागि करण केसीले अविजित ७२ रन बनाए। कप्तान आरिफ शेखले ४४ रन बनाउँदा ललित राजवंशीले २०, कुशल भुर्तेलले १८ तथा दिनेश खरेलले १७ रन जोडे।आर्मीका सोमपाल कामीले ५ विकेट लिए भने आकाश चन्दले २ विकेट तथा शाहब आलम, पवन कार्की, नरेन साउदले समान १–१ विकेट लिए ।आर्मीले पहिलो इनिङमा ५८.२ ओभर खेल्दै २२१ रन बनाएर अलआउट भएको थियो। इमरान शेखले सर्वाधिक ५० रन बनाए।

यस्तै, भीम सार्कीले ३९, कुशल मल्लले ३८, तृतराज दासले ३२ र बसिर अहमदले ३० रन जोडे।पुलिसका राशिद खानले ४ विकेट लिए भने करण केसी र ललित राजवंशीले समान ३–३ विकेट लिए ।

प्रकाशित मिति / समय : वि.सं.२०८२ चैत ५ बिहीवार १६:५६