गणेश नेपाली आत्मदाह घटनाको छानवीन गर्न नेपाल प्रहरीका डिआईजीको नेतृत्वमा समिति गठन
जनकपुरबाट काठमाडौ पैदल यात्रामा हिडे मिटर ब्याजी पिडितहरू
वि.सं.२०८३ असार २६ शुक्रवार १०:००
156
shares
shares
काठमाडौं । मिटरब्याज पीडितहरुले आफ्ना मागको सुनुवाई नभएको भन्दै जनकपुरदेखि काठमाडौँसम्म पैदल यात्रा सुरु गरेका छन् ।
बिहीबार जनकपुरमा फर्जी तमसुक लेखिएको पर्चा जलाउँदै मिटरव्याजविरुद्ध किसान मजदुर आन्दोलन नेपालको अगुवाईमा मिटरब्याज पीडितहरुले काठमाडौँसम्मको पैदल मार्च सुरु गरेका हुन् । सरकारले आफुहरुसँग पटक पटक सहमति गरेपनि त्यसको प्रभावकारी कार्यान्वयन नभएकाले न्याय माग्दै पैदलै काठमाडौँ आउन लागेको बताएका छन् ।
सरकारले मिटरब्याज अपराध र त्यसबाट उत्पन्न समस्याको समाधानका लागि हालसम्म प्रभावकारी पहल नगरेको मिटरव्याजविरुद्ध किसान मजदुर आन्दोलन नेपालकोे गुनासो छ । उनीहरुले फर्जी तमसुक खारेज गर्नुपर्ने, मिटरब्याज अपराध नियन्त्रणका लागि कडा र प्रभावकारी कानून बनाउनुपर्ने, पीडितको चल–अचल सम्पत्ति फिर्ता गराई दोषीलाई कानुनी कारबाही गर्नुपर्ने लगाएतका माग राखेका छन् ।
