बिपतम पनि साल्ट ट्रेडिङको सेवा सहज रूपमा हुदैँ चीनी सहित नूनको समस्या छैन
भारतबाट इन्धनको मूल्य बढेर आयो तर पहिलाकै मूल्य कायम
वि.सं.२०८३ भदौ ३१ बुधवार १०:५९
195
shares
shares
काठमाडौँ । भारतीय आयल कर्पोरेसनबाट पेट्रोलियम पदार्थको मूल्य पुनः बढेर आए पनि नेपाल आयल निगमले सर्वसाधारणको सुविधालाई ध्यानमा राख्दै खुद्रा बिक्री मूल्य नबढाउने निर्णय गरेको छ । भदौ ३० गते प्राप्त नयाँ खरिद मूल्य अनुसार पेट्रोलमा प्रति लिटर रु १२.४० र डिजेलमा प्रति लिटर रु ४.६८ ले वृद्धि भएर आएको छ ।
मध्यपूर्वमा जारी द्वन्द्वका कारण अन्तर्राष्ट्रिय बजारमा इन्धनको मूल्यमा उतारचढाव आइरहेको छ । तथापि, भोटेकोशी क्षेत्रमा आएको असाधारण बाढीका कारण सिर्जित कठिन परिस्थितिलाई मध्यनजर गर्दै निगम सञ्चालक समितिले साविककै मूल्य कायम राख्ने निर्णय गरेको हो । यो निर्णय २०८३ भदौ ३१ गते (१६ सेप्टेम्बर २०२६) देखि लागू भएको छ ।
मूल्य समायोजन नगर्दा आयल निगमलाई पाक्षिक रूपमा करिब १ अर्ब ९१ करोड ६९ लाख रुपैयाँ घाटा हुने भएको छ। नयाँ निर्णय अनुसार काठमाडौँ, पोखरा र दिपालय लगायतका क्षेत्रमा पेट्रोल र डिजेल प्रति लिटर २०० रुपैयाँमै बिक्री हुनेछ भने खाना पकाउने एलपी ग्यास प्रतिसिलिन्डर २०६० रुपैयाँ कायम रहनेछ।
