निजामती विधेयकको मस्यौदा सार्वजनिक : दुईको कुलिङ पिरियड राजनीतिक दलको सदस्यता लिन नपाइने, कर्मचारी सङ्गठन...
भक्तपुरमा पनि भेटियो बडॅफ्लु
वि.सं.२०७८ फागुन २३ सोमवार ०८:५७
468
shares
shares
भक्तपुरमा बर्डफ्लू भेटिएको छ । सूर्यविनायक नगरपालिका-१० मा अवस्थित तीन वटा पोल्ट्री फार्मका कुखुरामा बर्डफ्लू भेटिएको हो । बर्डफ्लू भेटिएका कुखुरा फार्ममा पाइला अग्रिकल्चरल फार्म, शिवराम कवाँको शिखर पोल्ट्री फार्म र हरिकृष्ण कवाँको अजिमा पोल्ट्री फार्म रहेका छन् ।
ती पोल्ट्री फार्मका कुखुरामा केन्द्रीय पशुपक्षी रोग अन्वेषण प्रयोगशाला त्रिपुरेश्वरले बर्डफ्लू भेटिएको पुष्टि गरेको हो । प्रयोगशालाका अनुसार ती फार्मका कुखुरामा एच पी वानको सवटाइप एफ फाइभ एफ वान भाइरस देखापरेको हो । जिल्लामा बर्डफ्लू भेटिएको पुष्टि भए सँगै जिल्ला प्रशासन कार्यालयमा बसेको सुरक्षा समितिको बैठकले बर्डफ्लू भेटिएका फार्मका पक्षी र पक्षीजन्य वस्तु नष्ट गर्ने निर्णय गरेको छ ।
भक्तपुरका सहायक प्रमुख जिल्ला अधिकारी एवं सूचना अधिकारी माधवप्रसाद शर्माका अनुसार समितिले सूर्यविनायक-१० स्थित पूर्वमा अजिमा इँटा उद्योगसँगै अरनिको राजमार्ग जाने सडक, पश्चिममा शिखर पोल्ट्री फार्म सँगै रहेको बाटो, दक्षिणमा अरनिको राजमार्गको उत्तरी सिमाना र उत्तरमा पानी ट्याङ्की जाने बाटोको चार किला भित्रको पक्षी तथा पक्षीजन्य वस्तुहरु दाना, सुली, अण्डा लगायत वस्तुहरु नष्ट गर्ने निर्णय गरेको छ ।
यस्तै, भक्तपुर लगायत काठमाडौं उपत्यका भित्रिने नाकाका साथै स्थानीय स्तरमा पनि पशु सेवा विज्ञ केन्द्र ललितपुर, पशु सेवा विभाग, स्थानीय तहको सहकार्य र समन्वयमा पक्षी, पक्षीजन्य वस्तुहरू ओसार पोशारमा निगरानी बढाउने निर्णय पनि समितिले गरेको छ ।
