पृथ्वीराजमार्गको गल्छीमा सडक भासिँदा सवारी आउजाउ बन्द
साल्ट ट्रेडिङले ल्यायो डिएपी मल, युरिया असारको पहिलो साता भित्र नेपाल आउने
वि.सं.२०७९ जेठ ३१ मंगलवार ११:५५
832
shares
shares
काठमाडौं । साल्ट ट्रेडिङ कर्पोरेशन लिमिटेडले यस वर्षका लागि जिम्मेवारी पाएको रासायनिक मल भित्र्याउन सुरुआत गरेको छ । ती मध्ये १७ हजार मेट्रिक टन डिएपी मल स्वदेश भित्रिई धमाधम आफ्ना डिपो/बिक्रीकक्ष मार्फत वितरण भइराखेको र २२ हजार मेट्रिक टन युरिया मल आगामी असारको पहिलो साता देखि स्वदेश भित्रिन थाल्ने कर्पोरेशनले जनाएको छ ।
कर्पोरेशनले २० हजार मेट्रिक टन डिएपी र २२ हजार मेट्रिक टन मल सहित एक लाख मेट्रिक टन ल्याउन सरकार बाट स्वीकृति पाएको थियो । डिएपमध्ये बाँकी तीन हजार मेट्रिक टन भारतको कोलकाता बन्दरगाहमा आइसकेको उसले जनाएको छ । कर्पोरेशनका विभागीय प्रबन्धक बज्रेश झाले भने,‘१७ हजार मेट्रिक टन अर्थात् चार लाख बोरा डिएपी आफ्ना डिपो/बिक्री कक्ष मार्फत वितरण गरिराखेका छौँ । बाँकी तीन हजार मेट्रिक टन पनि भारतको कोलकाता बन्दरगाहमा आइसकेको छ ।’ मल प्रति बोरा ५० केजीको हुन्छ ।
उनका अनुसार २२ हजार मेट्रिक टन अर्थात् चार लाख ४० बोरा युरिया मल कोलकाता आइसकेको र एक हप्ता भित्र स्वदेश भित्रिन थाल्ने छ । विभागीय प्रबन्धक झाले भने, ‘२२ हजार मेट्रिक टन युरिया कोलकाता आइसकेको र एक हप्ताभित्र स्वदेश भित्रिन थाल्नेछ । स्वेदेश आउने बित्तिकै डिपो/बिक्रीकक्ष मार्फत बिक्री वितरण सुरु हुन्छ ।’
