विष्णु पौडेललाई गैरकानूनी रूपमा थुनामा राखिएको भन्दै सर्बोच्च अदालतमा बन्दी प्रत्यक्षीकरणको रिट दर्ता
संक्रमणकालीन न्याय सम्बन्धी कानूनलाई संशोधन गर्न सत्तारुढ गठबन्धनमा सहमति
वि.सं.२०७९ असार ८ बुधवार २१:२५
689
shares
shares
काठमाडौं ।शान्ति प्रक्रियाका बाँकी काम सक्न संक्रमणकालीन न्याय सम्बन्धी कानूनलाई संशोधन गर्न सत्तारुढ गठबन्धनमा सहमति भएको छ । बुधबार बालुवाटारमा बसेको सत्ता गठबन्धनको बैठकमा शान्ति प्रक्रियाबारे छलफल भएको हो ।
सरकारका प्रवक्ता एवम संचार मन्त्री ज्ञानेन्द्रबहादुर कार्कीले शान्ति प्रक्रियालाई चाँडै निष्कर्षमा पुर्याउनको निम्ति छलफल केन्द्रित भएको जानकारी दिए । उनका अनुसार कानून, न्याय तथा संसदीय मामिला मन्त्री गोविन्द बन्दीले शान्ति प्रक्रियामा अहिलेसम्म भएका कामबारे समीक्षात्मक प्रतिवेदन पेस गरेका थिए।
कानूनमन्त्री बन्दीले आफूले अहिले सम्म भएको प्रगति बारे ब्रिफिङ गरेको र चाँडै संक्रणकालीन न्याय सम्बन्धी कानून संशोधन गर्ने सहमति भएको जानकारी दिए । ‘मैले अहिले सम्म के के भयो भनेर ब्रिफ्रिङ गरेँ’, उनले भने, ‘चाँडो भन्दा चाँडो कानून संशोधन गरेर जाने सहमति भएको छ।’
उनले थपे, ‘एउटा परामर्श बाँकी छ । त्यो सकेर आएपछि कानून संशोधनको दिशामा अगाडि बढ्ने सहमति भएको छ ।’ कानून अभावका कारण सत्यनिरुपण तथा मेलमिलाप आयोग र बेपत्ता पारिएका व्यक्तिको छानविन आयोगले काम गर्न नसकेको बताइने गरेको छ ।
