Abhiyan Weekly

पत्रकार किशोर श्रेष्ठको घर र जनआस्थाको कार्यालयमा बिहानै प्रहरीको खानतलासी, पत्रकारहरूको विरोध रोल्पामा पहिरोले घर/गोठ पुरिदाँ २ को निधन, १ घाइते आज प्रतिनिधिसभा अन्तर्गतका ५ वटा समितिको बैठक बस्दै नेपाली कांग्रेसका पूर्व सभापति देउवा आज स्वदेश फर्किदै, सांस्कृति झाँकिसहित स्वागत गरिने बाढी पहिरोका कारण देशका कुन-कुन राजमार्ग अवरूद्ध छन, कुन-कुन सडक खुले ? यस्तो छ आज बिहिबारकालागि तोकिएको विदेशी मुद्राको बिनिमय दर आज बिहिबारको मौसम : मनसुनी बायु सक्रिय हुँदा यी प्रदेशका केहि स्थानमा बर्षाको सम्भावना नेपाल रेडक्रसको संशोधित बिधान कार्यन्वयन नगर्न सर्वोच्च अदालतको अन्तरिम आदेश कोशी प्रदेशका नेपाली कांग्रेसका मन्त्रीहरूले दिए राजिनामा सम्पत्ति शुद्धीकरणको आरोप लागेका दीपक भट्ट र सुलभ अग्रवाललाई थुनामा पठाउन आदेश गृह मन्त्रालयमा ९ सहसचिवको दरबन्दी कटौती अब सरकारी कार्यालयहरूमा निबेदनको ढाँचा एकै किसिमको हुने

दाहाल सरकार पनि सरकारका लागि सरकारमात्र

Abhiyan Weekly

वि.सं.२०७९ चैत २३ बिहीवार ११:३०

754
shares

काठमाडौ । प्रधानमन्त्री पुष्पकमल दाहालले अहिलेसम्म सत्ता गठबन्धनको सरकारको न्यूनतम साझा कार्यक्रम समेत ल्याउन सकेको छैन । सरकारको कार्यक्रम के हो ? अहिलेसम्म प्रष्ट भएको छैन । तर प्रधानमन्त्री दाहाल भने वितेका तीन महिनामा महत्वपूर्ण कार्य भएको दाबी गरिरहेका छन् । दाहालका अनुसार मन्त्रिपरिषद्को बैठकले निजी क्षेत्रका समस्या समाधानको लागि मौद्रिक नीतिमा सहजीकरण गरेको छ । राजस्वमा सुधार आएको छ । विदेशी मुद्रा सञ्चिति बढेको छ र रेमिट्यान्समा पनि सुधार भएको छ भन्दै सेवा प्रवाहमा लामा लामा लाइन हटेको र लाइसेन्स लगायतका काममा सेवाग्राहीहरुले भोग्दै आएको झन्झट हटेको बताउँदै आएका भएपनि त्यसमा केही सुधार भएपनि अहिले पनि जनताले सहज रुपमा सेवा पाउन सकेका छैनन् ।
दाहाल सरकारले कुटनीतिक क्षेत्रमा सम्बन्ध सुधार गरेको बताएको भएपनि आजसम्म परराष्ट्रमन्त्रीसम्म बनाउन सकेका छैनन् भने आफ्नो विदेश भ्रमण भारतबाट हुने भनेपनि भ्रमणको टुँगो लागेको छैन । यसैबीच प्रधानमन्त्री दाहालले चीनमा आयोजित बाओवो सम्मेलन र कतारमा आयोजित अतिकम विकसित मुलुकहरुको सम्मेलनमा भाग लिने कार्यक्रम समेत स्थगित गरेका छन् । प्रधानमनत्रीले भाग लिन नसकेको खण्डमा परराष्ट्रमन्त्रीले भाग लिन सक्ने भएपनि आजसम्म परराष्ट्र समेत छान्न सकेका छैनन् ।
प्रधानमन्त्रीले आफूलाई सहज हुने गरी राष्ट्रिय सहमतिको नारा अगाडि सारेका भएपनि प्रमुख सम्वैधानिक पदहरुमा विभिन्न दलका नेताहरु पुगेका छन् । कांग्रेसबाट राष्ट्रपति एमालेबाट सभामखु र राष्ट्रिय सभाका अध्यक्ष उपराष्ट्रपतिमा जसपाका नेता, राष्ट्रिय स्वतन्त्र पार्टीका उपसभामुख रहेका छन् । धेरै नेताको दाबी रहने मन्त्री बाँडफाँडामा समेत असन्तुष्टि रहेको छ । अहिलेको मन्त्रालयको भागवण्डाको किचलो पार लगाएपनि भविष्यमा सरकारको कार्यसम्पादन प्रभावित हुन सक्ने सम्भावना जिवितै रहेको छ ।
दाहालले अहिलेसम्म प्रमुख प्रतिपक्षी दलसँग एक पटक पनि वार्ता गरेका छैनन् । प्रमुख विपक्षी दल नेकपा एमाले बलियो प्रतिपक्षी भएकाले उसको सहयोग विना दाहाल सरकारलाई अघि बढ्न फलामको च्युरा चपाउनु् सरह हुनसक्छ । १० तिर मुख फर्काएर सरकारलाई समर्थन दिएका दलहरु कुनै पनि बेला सरकारबाट बाहिरिन सक्ने अवस्था रहेकाले गर्दा दाहाल सरकार पनि सरकारको लागि सरकारमात्र भएको छ । यो सरकारले जनताका समस्याहरु समाधान गर्न सक्ने सम्भावना आजसम्म देखिएको छैन ।

प्रकाशित मिति / समय : वि.सं.२०७९ चैत २३ बिहीवार ११:३०