रास्वपाको बन्दसत्र आजकालागि स्थगित, भोली बन्दसत्र हुने
माधव नेपाल सहितका सांसद र पार्टीको भोली निर्णय हुने
वि.सं.२०७८ असोज ४ सोमवार १७:०९
767
shares
shares
काठमाडौं । नेकपा एमालेका अध्यक्ष केपी शर्मा ओलीले १४ सांसदको पद खारेजीसम्बन्धी विषयमा दायर गरेको रिटमा सर्वोच्च अदालतबाट आज आदेश भएन ।न्यायाधीश दीपककुमार कार्की र डा.कुमार चुडालको इजलासमा रहेको उक्त मुद्दामा सुनुवाइ नसिकएपछि हेर्दाेहर्दैमा राखिएको छ ।
यसको सुनुवाई मंगलबार अर्थात भोलि हुनेछ । आफूले गरेको १४ सांसदको कारवाहीलाई मान्यता नदिने सभामुख अग्निप्रसाद सापकोटाको निर्णय बदर हुनुपर्ने माग राखी एमाले अध्यक्ष ओलीले सर्वोच्चमा रिट दिएका थिए ।
यसैसँग सम्बन्धित अर्को रिटमा ओलीले ती १४ सांसदको हस्ताक्षर समावेश गरी दर्ता गरिएको नेकपा एकीकृत समाजवादी खारेज गर्न माग गरेका थिए ।
यो रिटमा भदौ २२ गते प्रधानन्यायाधीश चोलेन्द्रशम्शेर जबराको एकल इजलासले विपक्षीसँग लिखित जवाफ माग गर्दै भदौ २८ गते अन्तरिम आदेशका लागि छलफलमा बोलाएको थियो । भदौ २८ गते पेसिमा चढेपनि हेर्न नभ्याईने भनेर सनुवाई हुन सकेको थिएन ।
