सरकारले भन्यो : पेट्रोलियम पदार्थको मूल्य घटाउन सकिदैन
देउवा नै पुन सभापति वन्ने प्रवल सम्भावना
वि.सं.२०७८ असोज २० बुधवार १४:१९
650
shares
shares
काठमाडौँ । नेपाली कांग्रेसका सभापति शेरबहादुर देउवा पक्षले १४ औं महाधिवेशनअन्तर्गत भएका पालिका (स्थानीय तह) अधिवेशनमा सभापति देउवा पक्ष बलियो रहेको दाबी गरेको छ ।
सात सय ५३ पालिकामध्ये अहिलेसम्म भएका छ सय ५ वटा पालिकामा अधिवेशन सकिएको छ । यीमध्ये दुई सय ५० मा सभापति देउवा पक्षनिकट नेता पालिका नेतृत्व जितेको दाबी देउवा पक्षले गरेको छ । त्यसैगरी वरिष्ठ नेता रामचन्द्र पौडेलनिकटले एक सय ८० पालिकामा सभापति जितेका छन् ।
पूर्वमहामन्त्री कृष्णप्रसाद सिटौला पक्षका १६ जनाले पालिका सभापति जितेका छन् भने उपसभापति विजयकुमार गच्छदार पक्षका २ जनाले पालिका सभापति जितेका छन् ।
पालिका अधिवेशन भए पनि ४९ क्षेत्रका सभापति भने कुन पक्ष निकट हुन् भन्ने खुलेका छैनन् ।
प्रदेश नम्बर १ को १६६ पालिकामा अधिवेशन भएकोमा सभापति देउवा पक्षले ६० पालिकामा जितेको छ भने पौडेल पक्षले ४९ पालिकामा जितेको छ । सिटौला पक्षले १३ पालिका सभापति जितेका छन् ।
बागमती प्रदेशमा ९९ वटा पालिकामा अधिवेशन सकिएको छ । यीमध्ये ५३ पालिकामा देउवा पक्षले जितेको छ भने ३३ पालिका पौडेल पक्षले जितेकोमा केही पालिका सभापति भने कतैतिर पनि खुलेका छैनन् । यसरी अहिलेसम्मको अवस्था हेर्दा आउदो मंसिरमा हुने काग्रेसको महाधिवेशनवाट देउवा पक्ष, कृष्णाप्रसाद सिटौला पक्ष र विजय गच्छेदार एक जुट भएको खण्डमा देउवा नै पुनः सभापति बन्ने प्राय निश्चित जस्तै देखिएको छ ।
