बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
आज नेप्सेमा पौने १० अर्वको कारोवार
वि.सं.२०८० माघ ३ बुधवार १६:२२
481
shares
shares
काठमाडौँ । सेयर बजारमा आज बुधबार दोस्रो दिन पनि उच्च कारोबार भएको छ । तीव्र उतारचढावका बिच आज नेप्से सूचक २२ सय अंकमा पुगेर फर्किएपनि कारोबार भने पौने १० अर्बको भएको हो ।
नेपाल स्टक एक्सचेञ्जका अनुसार आज नेप्से सूचक १२.१० अंकले घट्दै २१६३.०६ अंकमा ओर्लिएको छ । तर, यता कारोबार भने अघिल्लो दिनको भन्दा बढी ९ अर्ब ७६ करोड ८९ लाख ६९ हजार रुपैयाँ बराबरको ३ करोड ३५ लाख २५ हजार कित्ता सेयर किनबेच भएको नेप्सेले जनाएको छ । अघिल्लो दिन ५४ अंकले नेप्से सूचक बढेको दिन ८ अर्ब २ करोड ३८ लाख ६२ हजार रुपैयाँ बराबरको २ करोड ३३ लाख ७० हजार कित्ता सेयर कारोबार थियो ।
आज बैंकिङ, डेभलपमेन्ट बैंक, माइक्रोफाइनान्स र अन्य समूहको उपसूचक बाहेक बाँकी ९ वटा उपसूचक ऋणात्मक भएका छन् । १८० वटा कम्पनीको सेयर मूल्य घट्दा आज ग्लोबल आईएमई लघुवित्त वित्तीय संस्था र नेपाल वेयरहाजिङ्ग कम्पनीको सेयर मूल्य १० प्रतिशतले बढेको छ भने हिमालयन रि–इन्स्योरेन्सको सेयर मूल्य आज पनि ९.९९ प्रतिशतले बढेको छ । तर यता इस्टन हाइड्रोपावर लिमिटेड र भूगोल इनर्जी डेभलपमेन्ट कम्पनीको सेयर मूल्य भने आज १० प्रतिशतले घट्न पुगेको छ ।
