गणपूरक संख्या नपुगेपछि प्रतिनिधिसभा बैठक स्थगित
राष्ट्रिय योजना आयोगको सदस्यमा उमाशंकर प्रसाद , वायु सेवाको उपाध्यक्षमा विक्रम राई नियुक्त
वि.सं.२०८० माघ १८ बिहीवार १३:२३
741
shares
shares
काठमाडौँ । नेपाल सरकार मन्त्रिपरिषद् बैठकले राष्ट्रिय योजना आयोगको रिक्त सदस्य पदमा रौतहट निवासी उमाशंकर प्रसादलाई नियुक्त गर्ने निर्णय गरेको छ । बिहीबार बसेको बैठकले सो निर्णय गरेको हो ।
त्यस्तै, उद्योग वाणिज्य आपूर्ति मन्त्रालयको प्रस्तावमा सो मन्त्रालयका मन्त्रीको अध्यक्षतामा निजी क्षेत्रको समेत प्रतिनिधित्व हुने गरी राष्ट्रिय व्यापार सहजीकरण समिति गर्ने निर्णय गरिएको सरकारका प्रवक्ता तथा सञ्चार तथा सूचना प्रविधि मन्त्री रेखा शर्माले जानकारी दिइन् ।
त्यस्तै संस्कृति पर्यटन तथा नागरिक उड्डयन मन्त्रालयको प्रस्तावमा नेपाल वायु सेवा निगम ऐन २०१९ दफा ४ को उपदफा ४ बमोजिम नेपाल वायु सेवा निगमको रिक्त उपाध्यक्ष पदमा सञ्चालक सदस्य विक्रम राईलाई नियुक्त गर्ने निर्णय भएको शर्माको भनाई छ ।
