काठमाडौका बिभिन्न स्थानमा १२ दिन सम्म निश्चित समयका लागि बिधुत्त काटिने
सशस्त्र बलका १५ जना खेलाडीको विशेष बढुवा
वि.सं.२०८१ माघ ९ बुधवार १२:३३
1.3K
shares
shares
काठमाडौं । सशस्त्र प्रहरीले बलले आफ्नो संगठनमा आवद्ध १५ जना खेलाडीहरूको विशेष बढुवा गरेको छ । १२ जना खेलाडीहरू प्रहरी जवानबाट पदोन्नति भएर सहायक प्रहरी हवल्दार बनेका छन् ।
२४औं सशस्त्र प्रहरी दिवस २०८१ का अवसरमा सशस्त्र प्रहरी बल नेपाल खेलकुद तथा शारीरिक सुगठन शिक्षालय (नेपाल एपीएफक्लव) मा कार्यरत विभिन्न दर्जाका प्रहरीलाई बढुवा गरिएको हो । महिला फुटबल प्रशिक्षक भगवती थापा प्रहरी हवल्दारबाट वरिष्ठ हवल्दारमा बढुवा भएकी छन् ।महिला फुटबल खेलाडीहरू अनिता केसी र गीता रानाको बढुवा भएको छ । उनीहरू दुवै सहायक हवल्दार बनेका छन् । महिला भलिबल खेलाडीत्रय हीरा केसी,कविता भट्ट र सरु लिम्बू पनि प्रहरी जवानबाट सहायक हवल्दारमा बढुवा भए ।
एथलेटिक्सका दुई खेलाडी गोपिचन्द्र कार्की र फूलमती राना विशेष बढुवामा परेका छन् । उनीहरू दुवैलाई सहायक हवल्दारबाट हवल्दार बनाइएको छ । उसुका दुई खेलाडी अशोक खालिङ र कविता थापा सहायक हवल्दारमा बढुवा भएका छन् । महिला ह्यान्डबलकी बन्दना राई, कराँतेका मोहम्मद शेखु आलम, फुलकन्ट्याक्ट कराँतेका सञ्जय राई, महिला कबड्डीकी रविना चौधरी पनि सहायक हवल्दार बनेका छन् । एक क्रिकेट खेलाडी बढुवा सूचीमा परे । क्रिकेटर सन्दीप जोरा पनि प्रहरी जवानबाट बढुवा भएर सहायक हवल्दार बनेका छन् ।
